399
21 მაისი 2024, 10:37
როგორც დავით ქართველიშვილი წერს, აშშ-ის თვალში „მნიშვნელოვანი" და „მდგრადი" პროგრესი საქართველომ თავისი უახლოესი ისტორიის უკანასკნელ 30 წელიწადში თუ ვერ აჩვენა, არც კი ვიცი, რამდენი ათეული წელი გვაქვს გამოყოფილი ამისთვის.
„თუ აშშ დაადასტურებს, რომ „საქართველომ აჩვენა მნიშვნელოვანი და მდგრადი პროგრესი თავისი დემოკრატიის განმტკიცების მიმართულებით, რაც დადასტურდება, სულ მცირე, არსებითად სამართლიანი და თავისუფალი არჩევნებით და დაბალანსებული წინასაარჩევნო გარემოთი“, გვპირდებიან დიდ, მოულოდნელ და ნანატრ საჩუქრებს. ოღონდ - „პოსლეზე".
აშშ-ის თვალში „მნიშვნელოვანი" და „მდგრადი" პროგრესი საქართველომ თავისი უახლოესი ისტორიის უკანასკნელ 30 წელიწადში თუ ვერ აჩვენა ჯერ, არც კი ვიცი, რამდენი ათეული წელი გვაქვს გამოყოფილი ამისთვის. მაგრამ, ჩვენ აუცილებლად შევეცდებით! ვპირდებით!
რაც შეეხება „სულ მცირეს" - ისეთი „არსებითად სამართლიანი" არჩევნები გვექნება, რომ არც ერთ (!) გარდაცვლილ კანდიდატს, ტრადიციისამებრ, საარჩევნო სიებში არ შევიყვანთ. ხოლო წინასაარჩევნო გარემო ისეთი „დაბალანსებული" გვექნება, რომ ამერიკის 2022 წლის კონგრესის არჩევნებზე ეუთო/ოდირის მიერ გაკეთებულ დასკვნას სამაგიდო წიგნად გამოვიყენებთ, თუ როგორ არ უნდა იყოს ჩატარებული არჩევნები.
ხოლო, როდესაც ჩვენს სანიმუშო პროცესს დავასრულებთ 26 ოქტომბერს, დიდი სიამოვნებით და გულის ფანცქალით დაველოდებით 5 ნოემბრის შედეგებს და მათი აღიარების პროცესებს. წინ მეტად საინტერესო ამბები გველოდება...“ - წერს დავით ქართველიშვილი.
| სარეკლამო ადგილი - 11 650 x 60 |
