დავით ქართველიშვილი: ჩემი ბრიტანელი მეგობარია ჩამოსული საქართველოში და აქ დარჩენას გეგმავს - თქვენს თვალებში ინგლისში მივიწყებულ საკუთარი ღირსების შეგრძნებას ვხედავო
სარეკლამო ადგილი - 10
650 x 60
243 26 მაისი 2024, 21:27
ბრიტანეთიდან მეგობარია ჩამოსული სტუმრად, იქაური მოქალაქეა, უჭკვიანესი პიროვნება. ინგლისმა დაკარგაო ის პეწი, რომელმაც ოდესღაც მას მსოფლიო ჰეგემონის სახელი შესძინა - პატრიარქალური ტრადიციულობა, ანგლიკანური ეკლესიის ურყევი ავტორიტეტი და სამეფო ოჯახისადმი უპირობო პატივისცემა.“ - ამის შესახებ სოციალურ ქსელში „ხალხის ძალის“ წევრი, ანალიტიკოსი დავით ქართველიშვილი წერს. 

მისი თქმით, ბრიტანელი მეგობარი საქართველოში დარჩენას გეგმავს, რადგან აქ იმ ღირსებას ხედავს, რაც, მისივე თქმით, ინგლისში უკვე მიივიწყეს. 

„ყველაფერი დაეცა, მიმდინარეობს ყველაფრის ჩანაცვლება ახალი, ბრიტანეთისთვის უცხო „ფასეულობებით". და, რაც მთავარია, ინგლისური სულისკვეთება ნებდება ამ ფსევდოლიბერალური წნეხის წინაშე. ერთადერთი ძალა, ვინც ცდილობს ინგლისს ინგლისელობა ჯერ კიდევ შეუნარჩუნოს - მეორე თაობის ბრიტანეთის მოქალაქე, აფროემიგრანტები არიან.

მომიყვა საინტერესო და ნიჭიერი ქართველების ოჯახზეც - ორივე, ცოლ-ქმარი, ლონდონის პრესტიჟული სასწავლებლების პროფესორები არიან. 72 წლის ქმარი ემზადება საქართველოში სამუდამო დაბრუნებისთვის. მის მეუღლეს ამ გადაწყვეტილების მიღებისთვის ახალი „კულტურის" მძევლობაში მყოფი შვილები აბრკოლებენ - ფსევდოლიბერალიზმი არა მხოლოდ საქართველოშია დაუნდობელი ჩვენი ბავშვების დატყვევების საქმეში.

ვერც ფული, ვერც დასაქმება ვეღარ ანაცვლებს საკუთარი ფესვების მიმართ ჯერჯერობით უშედეგო დაბრუნების ლტოლვას. მასიურად ტოვებენ დღეს შეძლებული ოჯახები, ასევე, კალიფორნიას და ჯერჯერობით ევროპაში ეძებენ ნავსაყუდელს ამერიკაში გამეფებული ნარკომანიის, გენდერული სიგიჟეების, კრიმინალისა და პოლიციური აღვირახსნილობისაგან თავის დასაღწევად.

ვიცინოთ თუ ვიტიროთ, აღარც კი ვიცი, როდესაც ასეთ „სამოთხეში" მისასვლელი გზების დასანქცირებით გვემუქრებიან. ეს ჩემი მეგობარიც იმიტომ არის ჩამოსული, რომ საქართველოში გადმობარგდეს. თქვენს თვალებში, ინგლისში მივიწყებულ საკუთარი ღირსების შეგრძნებას ვხედავო. მოიკითხა, როგორ არიან ძეგვში ოთხი წლის წინ სამუდამო საცხოვრებლად ჩამოსული ბირმინგემელების წყვილიო, მშვენივრად-მეთქი. ჰოდა, ცოტაც მაცადეო, შემოგიერთდებითო...“ - წერს დავით ქართველიშვილი.
სარეკლამო ადგილი - 11
650 x 60
რადიკალებზე: ერთნი შედიან დამარცხებულ ბრძოლაში - „ლელო“-გახარიას ქორწინების სახით და მეორენი - „დედა-ნაცმოძრაობა“ და მისი ფილიალი გვარამია, ემზადებიან „დიდი რევოლუციისთვის“
პრეზიდენტის განცხადება ეხებოდა არა კონკრეტულ რელიგიურ დღესასწაულს, არამედ ბახმაროში დამკვიდრებულ სახალხო ტრადიციას, მის შენარჩუნებას, რადგან ესაა ქვეყნის კულტურული მემკვიდრეობის დაცვის მნიშვნელოვანი ნაწილი
ურჯულო სექტიდან პრეზიდენტ ყაველაშვილზე ცილისმწამებლურ-მანიპულაციური „მესიჯბოქსი“, რომ თითქოს, მან ფერისცვალების საეკლესიო დღესასწაული წინაპრებს დაუკავშირა, ნაცქაჯების სასოწარკვეთილების ანარეკლია
არათუ გაუმჯობესებულია საქართველოში სასამართლოს დამოუკიდებლობა, ის კარდინალურად არის შეცვლილი 2013 წლიდან დღემდე
ვაშინგტონის „სამიტი“ იმდენად პროგნოზირებადი იყო, რომ დამატებით კომენტირებასაც არ საჭიროებს. ამით არც არაფერი დასრულებულა როგორც ბრძოლის ველზე, ასევე მის მიღმა
არქივი