„ხალხის ძალის“ წევრი ზურაბ ქადაგიძე ორბელიანების სასახლესთან, დამოუკიდებლობის დღესთან დაკავშირებით გამართულ ღონისძიებაზე, სალომე ზურაბიშვილის მიერ წარმოდგენილ სამოქმედო გეგმას სოციალურ ქსელში გამოეხმაურა, რომლის მიხედვითაც ოპოზიციურ პარტიებს მის ირგვლივ შეჯერება შესთავაზა.
როგორც ქადაგიძე აღნიშნავს, ქართველი ხალხი შემოდგომაზე გაუკეთებს უტილიზაციას, პოლიტიკურ ჯართს და ეს ქვეყანა სამუდამოდ დაისვენებს „აგენტოკრატიისგან“
„რას ვამბობდით - თუ ზურაბიშვილი შეძლებს სააკაშვილის ჩანაცვლებას, მაშინ გლობალური ომის პარტია მიშას ჩამოწერს და ფსონს სალომეზე გააკეთებსო?! ისე აგიხდეთ, შეაქუჩა მთელი პოლიტიკური ბალასტი და დაგვპირდა, მედროშე მე ვიქნებიო. მოკლედ, ოქტომბრის არჩევნები იმაზე მეტად გამარტივდა, ვიდრე წარმომედგინა. ქართველი ხალხი შემოდგომაზე გაუკეთებს უტილიზაციას, პოლიტიკურ ჯართს და ეს ქვეყანა სამუდამოდ დაისვენებს „აგენტოკრატიისგან“, - წერს ქადაგიძე.
პრეზიდენტმა სამოქმედო გეგმა „ქართული ქარტია” წარადგინა და პოლიტიკურ პარტიებს მის ირგვლივ შეჯერებას სთავაზობს.
| სარეკლამო ადგილი - 11 650 x 60 |
