თორნიკე რიჟვაძე: ჩვენთვის მნიშვნელოვანია ტურიზმის, ეკონომიკის ის დინამიკა, რაც აძლიერებს ჩვენს მოქალაქეებს, ჩვენი პასუხი ოპოზიციის იაფფასიან მინი შოუ-პროგრამებზე არის ჩვენი საქმე
სარეკლამო ადგილი - 10
650 x 60
117 30 მაისი 2023, 16:51

აჭარის მთავრობის თავმჯდომარემ, თორნიკე რიჟვაძემ, დღეს გამართულ მთავრობის სხდომაზე რეგიონში შექმნილ პოლიტიკურ ვითარებაზე ისაუბრა და აღნიშნა, რომ ბათუმის სწრაფი განვითარებისა და ტურიზმის სფეროში არსებული დინამიკის ფონზე, განსაკუთრებით უსუსურად გამოიყურება რადიკალური ოპოზიცია და მათი იაფფასიანი პროვოკაციები. თორნიკე რიჟვაძემ მოსახლეობას მოუწოდა მაქსიმალურად გამოიყენონ ტურისტული სეზონი, მთავრობა კი თავის მხრივ სტაბილურობის და მშვიდობის ფონზე მაქსიმალურად შეუწყობს ხელს სეზონის ეფექტურად ჩატარებას როგორც წელს, ისე მომავალში.

„რაც შეეხება პოლიტიკურ ვითარებას, ამ ყველაფრის ფონზე განსაკუთრებით უსუსურად გამოიყურება რადიკალური ოპოზიცია - „ნაციონალური მოძრაობა“ და მათი შესაბამისი დანაყოფები, აჭარის წარმომადგენლობა. ბუნებრივია ამ სიტუაციაში, კიდევ უფრო იმატებს მათი დესტრუქციული ქმედებები, იაფფასიანი პროვოკაციები. თუმცა, ჩვენთვის მთავარია საქმე, ის ტემპი, ის დინამიკა, რაც აძლიერებს თითოეულ ჩვენ მოქალაქეს, თითოეულ ჩვენს მცხოვრებელს. ბუნებრივია, ჩვენი პასუხი ამ იაფფასიან მინი შოუ-პროგრამებზე არის ჩვენი საქმე. შესაბამისად, ჩვენ ყველაფერს გავაკეთებთ, რომ მიუხედავად არსებული პროვოკაციული მცდელობებისა, სეზონი იყოს წარმატებული და მოსახლეობას, კიდევ ერთხელ, მინდა ვთხოვო, მოვუწოდო რომ მაქსიმალურად გამოვიყენოთ ეს სეზონი იმისთვის, რომ ჩვენი რეგიონი გახდეს კიდევ უფრო ძლიერი ეკონომიკურად, თითოეული ოჯახი გახდეს კიდევ უფრო წელგამართული და რა თქმა უნდა, ჩვენ პოლიტიკური სტაბილურობის, მშვიდობის ფონზე მაქსიმალურად ეფექტურად ჩავატარებთ დაგეგმილ სეზონს როგორც წელს, ასევე მომავალშიც“, - აღნიშნა რიჟვაძემ.

აჭარის მთავრობის ინფორმაციით, რეგიონში საზღვაო ტურისტული სეზონი უკვე აქტიურ ფაზაში შედის. 3-4 ივნისს ბათუმში ოფიციალურად საზღვაო ტურისტული სეზონი გაიხსნება. ვიზიტორთა სტატისტიკა აჭარაში მზარდია. საქსტატის მონაცემებით 2023 წლის პირველ კვარტალში საერთაშორისო ვიზიტები აჭარაში გაზრდილია, გაორმაგებულია საერთაშორისო ვიზიტები 2022 წელთან შედარებით ( +93%). უნდა აღინიშნოს, რომ პირველ კვარტალში გაზრდილია ასევე განთავსების ობიექტებში დატვირთვა რეგიონში 41%-ით. შესაბამისად ტურიზმიდან და მოგზაურობიდან მიღებული შემოსავლები გაზრდილია 102%-ით.

სარეკლამო ადგილი - 11
650 x 60
მაკა ბოჭორიშვილი: ახლა უკვე, როდესაც საქართველო კანდიდატი ქვეყანაა, გარდაუვალია ევროკავშირში ინტეგრაცია, ეს არის ჩვენი მომავალი
მაკა ბოჭორიშვილი: როცა საერთაშორისო ფორმატს მარტო სააკაშვილის წერილის წასაკითხად იყენებ და ამბობ, რომ ევროინტეგრაციის ყველაზე დიდი გულშემატკივარი ხარ, არ მჯერა და არც იმ ადამიანებს სჯერათ, რომლებიც საარჩევნო ყუთთან დადგებიან
მიხეილ ყაველაშვილი: ფეხბურთის გამო დავიწყე წინა ხელისუფლებასთან ბრძოლა - 30-მდე სრულყოფილი სტადიონი გაანადგურეს
მიხეილ ყაველაშვილი: აუცილებლად დადგება იგივე სიხარულის დღე, როცა გავხდებით ევროპის და ასევე მსოფლიო ჩემპიონები
ფაიგ ნაბიევი: იფთარზე ჩვენი შეკრება იმის გამოხატულებაა, რომ ქვეყანაში ტოლერანტობა, შემწყნარებლობა და ურთიერთპატივისცემა ჩვენი ცხოვრების წესია და ამ ყველაფრის გარანტორი სახელმწიფოა
არქივი