სარეკლამო ადგილი - 1
976 x 90
ოთარ ფარცხალაძეს ეკუთვნის მადლობის გადახდა სალომე ზურაბიშვილისთვის - ის ინარჩუნებს ორი ქვეყნის მოქალაქეობას. წარმოუდგენელია ეს გადაწყვეტილება, რომელიც სალომე ზურაბიშვილმა მიიღო
სარეკლამო ადგილი - 10
650 x 60
194 24 სექტემბერი 2023, 21:10

ოთარ ფარცხალაძეს ეკუთვნის მადლობის გადახდა ალბათ, სალომე ზურაბიშვილისთვის - ის ინარჩუნებს ორი ქვეყნის მოქალაქეობას. წარმოუდგენელია ეს გადაწყვეტილება, რომელიც სალომე ზურაბიშვილმა მიიღო, - ამის შესახებ პარტია „ქართული ოცნების“ თავმჯდომარემ, საპარლამენტო უმრავლესობის ლიდერმა ირაკლი კობახიძემ „იმედის კვირას“ განუცხადა.

მან კომენტარი გააკეთა საქართველოს პრეზიდენტის მიერ ოთარ ფარცხალაძესთან დაკავშირებით მიღებულ განცხადებაზე.

„აქაც ჩანს საბოტაჟის ინტერესი. ჩვენ ვამბობდით, რომ იმ პირობებში, როდესაც ფარცხალაძეს უწყდება მოქალაქეობა, უხერხულობის ყველანაირი საბაბიც კი იხსნება - ეს იყო ჩვენი განცხადება.

როგორც ჩანს, პრეზიდენტის სურვილია, რაღაც საბაბი დატოვოს უხერხულობებისთვის და სახელმწიფოს შეუქმნას უხერხულობები ფარცხალაძისთვის მოქალაქეობის შენარჩუნებით, რაც ასევე წარმოუდგენელია. როდესაც ასე პირდაპირ, ღიად უპირისპირდები სახელმწიფო ინტერესებს და ცდილობ, ხელოვნურად შეუქმნა უხერხულობა სახელმწიფოს, ეს აბსოლუტურად უღირსი ნაბიჯია, პირდაპირ შეიძლება ითქვას. ამასთან, შეწყვეტაზე უარის თქმით, სალომე ზურაბიშვილმა პირდაპირ დაარღვია კანონი. ადრე - კონსტიტუცია, ახლა კანონი, ნუ, ეს მისი არჩევანია.

ოთარ ფარცხალაძეს ეკუთვნის მადლობის გადახდა ალბათ, სალომე ზურაბიშვილისთვის - ის ინარჩუნებს ორი ქვეყნის მოქალაქეობას. წარმოუდგენელია ეს გადაწყვეტილება, რომელიც სალომე ზურაბიშვილმა მიიღო. რეალურად ასეა, ოთარ ფარცხალაძე ინარჩუნებს ორი ქვეყნის მოქალაქეობას იმის მიუხედავად, რომ პრეზიდენტს კანონით ევალებოდა მოქალაქეობის შეწყვეტა იმ გარემოებებიდან გამომდინარე, რომელიც სახეზე იყო. შესაბამისად, ესაა დღევანდელი მოცემულობა - პრეზიდენტმა დაარღვია კანონი იმისთვის, რომ ეცადა სახელმწიფოსთვის უხერხულობის შექმნა, რაც არ გამოუვა“, - აღნიშნა კობახიძემ.

მან ოთარ ფარცხალაძის სანქცირების საკითხზე, რადიკალური ოპოზიციის მიერ პარლამენტში განვითარებულ მოვლენებზეც ისაუბრა.

„წინასწარვე ვიცოდით, რომ რადიკალური ოპოზიცია ფარცხალაძის მიმართ დაწესებულ სანქციასაც გამოიყენებდა ხელოვნურად ვითარების პოლარიზებისთვის და ასეც მოხდა. ხელოვნური აჟიოტაჟი, პოლარიზაციის გაღვივების მცდელობა, მოახერხეს და ლარის კურსი 5 ერთეულით აწიეს ორი დღის განმავლობაში. თუმცა, ესეც დარეგულირდება, მაგრამ საბოლოო ჯამში ვიხილეთ, რომ რამდენიმე დღით რადიკალურ ოპოზიციას მიეცა საბაბი პოლარიზაციის გაღვივებისთვის“, - განაცხადა კობახიძემ.

საქართველოს პრეზიდენტის ადმინისტრაციის განცხადებით, სახელმწიფო ინტერესებიდან გამომდინარე, სალომე ზურაბიშვილს ოთარ ფარცხალაძისთვის მოქალაქეობის შეწყვეტა ამ ეტაპზე მიზანშეწონილად არ მიაჩნია.

სარეკლამო ადგილი - 11
650 x 60
ხალხის ძალა 2024 წლის არჩევნებში ქართული ოცნების სიით გავა
თბილისის მეტროს საბურთალოს ხაზი მგზავრთა მომსახურებას დროებით წყვეტს
ბიძინა ივანიშვილი - გადასატანი გვრჩება მაქსიმუმ ერთი წელიწადი, რის შემდეგაც ფუნდამენტურად შეიცვლება როგორც გლობალური და რეგიონული პოლიტიკური ინტერესები, ისე ინტერესები კონკრეტულად საქართველოს მიმართ
ბიძინა ივანიშვილი - კოლექტიური „ნაციონალური მოძრაობისა“ და მისი მფარველებისთვის ესაა ბოლო გაბრძოლება საქართველოში არეულობის შემოსატანად და მეორე ფრონტის გასახსნელად, „ქართული ოცნებისთვის“ ესაა გადამწყვეტი ბრძოლა მშვიდობის საბოლოოდ განსამტკიცებლად
ბიძინა ივანიშვილი - უკრაინაში ომი ყველაზე გვიან, ერთ წელიწადში დასრულდება, ხოლო ამერიკის საპრეზიდენტო არჩევნებში რესპუბლიკელები თუ გაიმარჯვებენ, ომი იანვარშიც შეიძლება, დასრულდეს
არქივი