აფხაზეთი ელექტროენერგიას რუსეთიდან იღებს და ისინი თვითონვე არიან პასუხისმგებელი, რომ გადაიხადონ ენერგიის საფასური
სარეკლამო ადგილი - 10
650 x 60
180 16 ნოემბერი 2023, 11:31

 საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე დავით ნარმანია აცხადებს, რომ, ენგურჰესთან დაკავშირებული ვალდებულების გარდა, ოკუპირებული აფხაზეთის ენერგომომარაგების ნაწილში ქართულ მხარეს სხვა ვალდებულება არ აქვს.

დავით ნარმანიას კითხვა დაუსვეს, ვინაიდან ოკუპირებულ აფხაზეთს რუსეთმა ენერგიის სანაცვლოდ ფულის გადახდა მოსთხოვა, თუ ვერ გადაიხდიან, დაეხმარება თუ ამ მიმართულებით საქართველოს ენერგოსისტემა, რაზეც ნარმანიამ განაცხადა, რომ, გარდა ენგურჰესთან დაკავშირებული შეთანხმებისა, ქართულ მხარეს სხვა ვალდებულებები არ აქვს.

„ჩემს ხელთ არსებული ინფორმაციით, აღნიშნულ პერიოდში აფხაზეთი ენერგიას იღებს რუსეთიდან და ისინი თვითონვე არიან პასუხისმგებელნი, რომ გადაიხადონ ამ ენერგიის საფასური. ერთადერთი ვალდებულება, რაც 90-იანი წლებიდან მოდის, ეს არის ენგურჰესის მიერ გამომუშავებული ენერგიის 40/60 პროცენტის პროპორციით გაყოფა (40 პროცენტი ოკუპირებულ აფხაზეთს, 60 პროცენტი დანარჩენ საქართველოს), რაც ხორციელდება. სხვა რამე ვალდებულება ქართულ მხარეს ამ ნაწილში არ აქვს“, – განაცხადა დავით ნარმანიამ.

დამატებით კითხვაზე, თუ აფხაზები ვერ გადაიხდიან საფასურს, რამე კუთხით დაეხმარება თუ არა საქართველოს ცენტრალური ხელისუფლება, დავით ნარმანიამ განაცხადა, რომ ამასთან დაკავშირებით არანაირი ვალდებულება არ არსებობს.

„არანაირი ვალდებულება ჩვენ არ გვაქვს ამასთან დაკავშირებით. სხვა დამატებით ინფორმაციას არ ვფლობ. წესით, არ დავეხმარებით“, – აღნიშნა დავით ნარმანიამ.

სარეკლამო ადგილი - 11
650 x 60
მიხეილ ყაველაშვილი: ვინც არ უნდა იყოს ხელისუფლებაში, თუ კანონსაწინააღმდეგო ქმედებას ჩაიდენს, სახელმწიფო ვალდებულია რეაგირება მოახდინოს, სხვანაირად გამორიცხულია, მაშინ სახელმწიფო არ ხარ
მიხეილ ყაველაშვილი ევროკავშირის მიერ საქართველოსთვის უვიზო რეჟიმის შესაძლო გადახედვაზე: ეს სპეკულაციაა, რომ ჩვენს საზოგადოებაში ვნებათაღელვა გამოიწვიონ და როგორმე მოხდეს ხელისუფლების ცვლილება
მიხეილ ყაველაშვილი: ჩვენ ვიქნებით თანმიმდევრული, თვის დროზე მოხდება არჩევნების თარიღის გამოცხადება და თავისუფალ გარემოში ყველას ექნება შესაძლებლობა, რომ მიიღოს ამ არჩევნებში მონაწილეობა
მიხეილ ყაველაშვილი: ჩვენს რეგიონში სულ ახლახან იყო კონფლიქტი სომხეთსა და აზერბაიჯანს შორის და ერთ-ერთი დაინტერესებული მხარე ვართ ჩვენ, რომ დამთავრდეს კონფლიქტი. მადლობას მოვახსენებ ორივე ქვეყნის ხელისუფალს, რომ გამოთქვამენ მზადყოფნას
პრეზიდენტი 26 მაისს ოპოზიციის გეგმებზე: რამდენი თარიღი გაიარეს რომ რაღაცას აპირებდნენ, სინამდვილეში თარიღებით უნდათ, რაც შეიძლება მეტი ადამიანი გამოიყვანონ, მაგრამ ხალხი აღარ გამოდის
არქივი