სარეკლამო ადგილი - 1
976 x 90
საქართველოს საპარლამენტო დელეგაცია მაკა ბოჭორიშვილის ხელმძღვანელობით ხორვატიაში სამუშაო ვიზიტით იმყოფებოდა
სარეკლამო ადგილი - 10
650 x 60
78 21 ნოემბერი 2023, 20:10

ევროპასთან ინტეგრაციის კომიტეტის თავმჯდომარე მაკა ბოჭორიშვილმა საქართველოს საპარლამენტო დელეგაციასთან ერთად, ზაგრებში, შეხვედრები გამართა ხორვატიის პარლამენტის ევროპულ საკითხთა კომიტეტის თავმჯდომარესთან დომოგოი ჰაიდუკოვიჩთან, პარლამენტთაშორისი თანამშრომლობის თავმჯდომარესთან ერიკ ფაბიანიჩთან, აგრარულ საკითხთა კომიტეტის თავმჯდომარესთან მარიანა პეტირთან და საქართველოსთან მეგობრობის ჯგუფის ხელმძღვანელთან დავორ დრეტართან.

შეხვედრებისას, ევროკავშირის მიერ საქართველოსთვის კანდიდატი ქვეყნის სტატუსის მინიჭების მნიშვნელობასა და მოლოდინზე ისაუბრეს. ყურადღება დაეთმო საქართველო-ევროკავშირის ურთიერთობების მნიშვნელოვან საკითხებს, საქართველოს მიერ ევროკომისიის რეკომენდაციების შესრულების პროგრესს და გატარებულ რეფორმებს. საქართველოსათვის ევროკავშირის კანდიდატი ქვეყნის სტატუსის მინიჭებასთან დაკავშირებით ხორვატიის მხარდაჭერა ხაზგასმით აღინიშნა.

ვიზიტის ფარგლებში, 2022 წლის 9 ივნისს, საქართველოს და ხორვატიის პარლამენტების ევროპულ საქმეთა კომიტეტებს შორის ხელმოწერილი მემორანდუმის ფარგლებში სექტორული თანამშრომლობის ხელშეწყობის საკითხი განიხილეს. აღნიშნულ კონტექსტში აქცენტი გაკეთდა საქართველოს ევროინტეგრაციის პროცესში სოფლის მეურნეობის მიმართულებით გადასადგმელ ნაბიჯებზე და ხორვატიული მხარის გამოცდილების გაზიარების მნიშვნელობაზე. ასევე, აღინიშნა საქართველოსა და ხორვატიის რეგიონებს შორის თანამშრომლობის განვითარების პოტენციალი და ამ მიმართულებით მუშობის გაგრძელების საჭიროება.

შეხვედრებისას, ხორვატიის მხარემ საქართველოს ევროკავშირში ინტეგრაციის პროცესისადმი მტკიცე მხარდაჭერა და პარტნიორობისთვის გაძლიერების და სხვადასხვა სფეროებში ხორვატიის გამოცდილების გაზიარების მზადყოფნა გამოხატეს.

საქართველოს საპარლამენტო დელეგაცია ხორვატიაში შემდეგი შემადგენლობით იმყოფებოდა: ევროპასთან ინტეგრაციის კომიტეტის თავმჯდომარე მაკა ბოჭორიშვილი, აგრარულ საკითხთა კომიტეტის თავმჯდომარე ნინო წილოსანი და თავმჯდომარის პირველი მოადგილე გელა სამხარაული ასევე, ფრაქციის „ქართული ოცნება“ თავმჯდომარის მოადგილე, გიორგი ცაგარეიშვილი.

სარეკლამო ადგილი - 11
650 x 60
ისრაელში აქციაზე, სადაც ულტრაორთოდოქსი სტუდენტები სამხედრო გაწვევას აპროტესტებდნენ, აქციის მონაწილეებსა და პოლიციას შორის დაპირისპირება მოხდა
ირაკლი კობახიძე: უპრეცედენტო ზეწოლის, რევოლუციის ორი მცდელობის და ხელოვნურად შექმნილი რყევების მიუხედავად, „ქართული ოცნების“ ხელისუფლებამ შეინარჩუნა მშვიდობა, წარმატებით დაუპირისპირდა ფსევდოლიბერალურ პროპაგანდას და დაიცვა ტრადიციული ფასეულობები
ამერიკელი სენატორი ბობ მენენდესი, რომელიც ქრთამის აღებაში იყო ბრალდებული, ნაფიცმა მსაჯულებმა დამნაშავედ ცნეს
ხალხის ძალა 2024 წლის არჩევნებში ქართული ოცნების სიით გავა
თბილისის მეტროს საბურთალოს ხაზი მგზავრთა მომსახურებას დროებით წყვეტს
არქივი