საქართველოს საგარეო საქმეთა მინისტრი ბრიუსელში პარტნიორებთან შეხვედრებს განაგრძობს. ილია დარჩიაშვილი დღეს მონაწილეობას მიიღებს ღონისძიებაში, რომელსაც ევროკავშირის წევრი ქვეყნების საგარეო და ევროპულ საქმეთა მინისტრები ესწრებიან და 2004 წლის წარმატებული გაფართოების იუბილეს ეძღვნება.
საგარეო საქმეთა მინისტრი ასევე შეხვედრებს გამართავს ბელგიისა და ლუქსემბურგის საგარეო საქმეთა მინისტრებთნ აჯა ლაბიბთან და სავიე ბეტელთან. ილია დარჩიაშვილი უკვე შეხვდა ევროკომისიის პრეზიდენტის კაბინეტის მოქმედ ხელმძღვანელს ფერნანდო გიმარეშს.
შეხვედრაზე ხაზი გაესვა საქართველოსთვის კანდიდატის სტატუსის მინიჭების გადაწყვეტილებას და ქვეყნის მიერ შესრულებულ სამუშაოს. დადებითად შეფასდა თებერვალში ჩატარებული ასოცირების საბჭო, რომელზეც საქართველო პირველად იყო წარმოდგენილი, როგორც კანდიდატი ქვეყანა.
სარეკლამო ადგილი - 11 650 x 60 |