ამ მძიმე პროვოცირების ჩამდენი დღესაც „ვივამედიდან“ როგორც ალტერნატივა, ისეა წარმოდგენილი, - ამის შესახებ 2008 წლის რუსეთ-საქართველოს ომზე საუბრისას „დღის ქრონიკაში“ პარტია „ხალხის ძალის“ გენერალურმა მდივანმა დიმიტრი ხუნდაძემ განაცხადა.
„იმ ტიპის დანაშაული, რაც ქვეყანაში იქნა ჩადენილი და რის შედეგიც არის უმძიმესი, რომ ქვეყნის 20% არის ოკუპირებული, არ შეიძლება, რომ გამოძიების გარეშე იყოს. მით უმეტეს, როდესაც პროცესები წარიმართა იმდაგვარად და ამ პროცესებში თავად დასავლელი მაღალი პოლიტიკური თანამდებობის პირები აკეთებდნენ განცხადებებს, პირდაპირ ციტირებდნენ, რომ ყველაფერი გააკეთა სააკაშვილმა, მაშინდელმა ხელისუფლებამ, რომ რუსეთის პროვოცირება გამოეწვია. ამ პროვოცირებას მოჰყვა ის უმძიმესი შედეგი, რაც ქვეყანას დღემდე ტვირთად აწევს. ეს თქვა მაკკეინმა, ეს თქვა კონდოლიზა რაისმა, ასევე გერმანიის მაშინდელმა ელჩმა, ასევე სარკოზიმ. ისინი ამბობდნენ, რომ სააკაშვილმა ყველაფერი გააკეთა იმისათვის, რომ რუსეთის პროვოცირება მომხდარიყო“, - განაცხადა დიმიტრი ხუნდაძემ.
მან ასევე აღნიშნა, რომ იმჟამინდელმა ხელისუფლებამ ომის შემდეგ მხარი დაუჭირა რეზოლუციას, რომლითაც საკუთარ ჯარს დააბრალა ომის დაწყება.
„რეზოლუციებით ბრძოლა შემდეგაც გააგრძელა - ამ რეზოლუციას მხარი დაუჭირა და ევრონესტში, როდესაც ევროინტეგრაციის გზაზე რეზოლუცია მნიშვნელოვანი იყო, ამ რეზოლუციას მათ მხარი არ დაუჭირეს. ამ მძიმე პროვოცირების ჩამდენი დღესაც „ვივამედიდან“ როგორც ალტერნატივა, ისეა წარმოდგენილი და ჩვენ შეგვახსენეს კიდეც უკრაინიდან, რომ მიხეილ სააკაშვილი არის ომის დამწყები, საქართველოს რუსეთთან ომის გამჩაღებელი და „ქართული ოცნება“ ამას არ გააკეთებდა. ანუ როდესაც ხელისუფლება იწყებს 2008 წელს ასეთ პროვოცირებას, რასაც ასეთი მძიმე შედეგი მოჰყვება და რეალურ შედეგზე ის არ ზრუნავს, არა თუ ზრუნავს, ხელმეორედაც შეუძლია, მას იგივე გააკეთოს, თუ კი ასეთი დაკვეთა იქნება. ეს ძალიან მძიმეა და ასეთი პროცესი უნდა იყოს გამოძიებული. ეს პროცესი უნდა ომთან მიმართებაში, უნდა დაიწყოს და დეოკუპაციით უნდა დასრულდეს ყველა შემთხვევაში“, - განაცხადა დიმიტრი ხუნდაძემ.
სარეკლამო ადგილი - 11 650 x 60 |