ევროპისა და ევრაზიის საკითხებში აშშ-ის სახელმწიფო მდივნის თანაშემწე ჯიმ ო’ბრაიენი საქართველოში მიმდინარე მოვლენებთან დაკავშირებით აცხადებს, რომ ქართველ დეპუტატებთან მნიშვნელოვანი საუბარი ჰქონდა. ამის შესახებ ის X-ზე წერს.

„მნიშვნელოვანი საუბარი მქონდა ქართველ დეპუტატებთან ჩვენს ორმხრივ ურთიერთობებზე, მათ შორის, საუბარი ეხებოდა ჩვენს ძლიერ შეშფოთებას კრემლის მიერ შთაგონებულ „უცხოური გავლენის” კანონს და მის ნეგატიურ გავლენას საქართველოს ევროპულ მისწრაფებებზე”,- წერს ჯიმ ო’ბრაიენი.