379
13 ნოემბერი 2019, 21:41
უკვე 5 დღეა რუსი ოკუპანტების ტყვეობაში იმყოფება ექიმი ვაჟა გაფრინდაშვილი. ამის შესახებ ინფორმაციას "რუსთავი 2" ავრცელებს. ტელეკომპანიის ინფორმაციით, ის შაბათს საოკუპაციო ძალებმა გაიტაცეს, თუმცა, ფაქტი მხოლოდ ახლა გახდა ცნობილი.
ორთოპედ ტრავმატოლოგთა ასოციაციის პრეზიდენტს ოჯახთან ბოლო, რამდენიმეწამიანი სატელეფონო კონტაქტი გატაცებისას ჰქონდა. თუმცა, მათთვის არაფერია ცნობილი, მეტიც, ოჯახ უკვირს, თუ როგორ მოხვდა ვაჟა გაფრინდაშვილი გატაცების ადგილზე. სხვა დეტალები მათთვისაც უცნობია. ცნობილია, ასევე, რომ დე ფაქტო რეჟიმმა გატაცებული ორი პირი გაათავისუფლა, უფრო ზუსტად, მათი გაძევების გადაწყვეტილება მიიღო, ვაჟა გაფრინდაშვილის მიმართ კი, სისხლის სამართლის საქმე აღძრა, ოკუპანტები მას ე.წ. საზღვრის უკანონო გადაკვეთას ედავებიან.
უკანონო დაკავებასთან დაკავშირებით ამოქმედებულია ცხელი ხაზი, რომლის ნომერიცაა - 123 და რომელზეც დარეკვა ნებისმიერ ადამიან, ნებისმიერ დროს, ნებისმირი საფრთხის არსებობოსას შეუძლია. ინფორმირებულია ევროკავშირის სადამკვირვებლო მისია და მიმდინარეობს მუშაობა საქართველოს მოქალაქის გასათავისუფლებლად.
| სარეკლამო ადგილი - 11 650 x 60 |
