ნაკრების კაპიტანმა გურამ კაშიამ ელემენტარული ადამიანური მადლიერების გრძნობა გამოხატა ქართველი გულშემატკივრის, ფონდ "ქართუსა" და პირადად ბიძინა ივანიშვილის მიმართ იმ მხარდაჭერისა და ქველმოქმედების გამო, რომელიც ჩვენმა გუნდმა საკუთარი სამშობლოს მოქალაქეებისა და მისი თვალსაჩინო წარმომადგენლების მხრიდან დამსახურებულად მიიღო, - წერს „ხალხის ძალის“ წევრი დავით ქართველიშვილი სოციალურ ქსელში.
როგორც ქართველიშვილი აღნიშნავს, უსამშობლო არსებებმა დღეს უკვე კაშია აიყვანეს თავის ბინძურ სამიზნეში და მადლიერების გამოხატვის გამო მიწასთან გაასწორეს.
„ახალი აღთქმა: სახარება და სამოციქულო - არაერთ მოძღვრებას უთმობს ადამიანის უმადურებისა და მადლიერების თემას. წმინდა პავლე მოციქული ამაზე შორს მიდის და პირდაპირ გვაფრთხილებს: "უკანასკნელ დღეებში დადგება საზარელი ჟამი, ვინაიდან ადამიანები იქნებიან საკუთარ თავზე შეყვარებულნი, ვერცხლის მოყვარენი, მკვეხარანი, ამპარტავანნი, მგმობელნი, მშობლების ურჩნი, უმადურნი, უწმინდურნი, ერთმანეთის მოძულენი, შეურიგებელნი, ცილისმწამებელნი, შეუკავებელნი, მოღალატენი, გასასტიკებულნი, კეთილის მოძულენი, მოღალატენი, თავხედნი, გაბღენძილნი, ღმერთზე მეტად სიამეთა მოყვარულნი, გარეგნულად ღვთისმოსავნი, სინამდვილეში კი ღმერთის ძალის უარმყოფელნი. ასეთებს ერიდეთ".
დღეს საქართველოს ნაკრების კაპიტანმა გურამ კაშიამ ელემენტარული ადამიანური მადლიერების გრძნობა გამოხატა ქართველი გულშემატკივრის, ფონდ "ქართუსა" და პირადად ბიძინა ივანიშვილის მიმართ იმ მხარდაჭერისა და ქველმოქმედების გამო, რომელიც ჩვენმა გუნდმა საკუთარი სამშობლოს მოქალაქეებისა და მისი თვალსაჩინო წარმომადგენლების მხრიდან დამსახურებულად მიიღო. ხოლო პავლე მოციქულის მიერ გამოტანილი განაჩენის მატარებელმა უსამშობლო არსებებმა დღეს უკვე კაშია აიყვანეს თავის ბინძურ სამიზნეში და მადლიერების გამოხატვის გამო - მიწასთან გაასწორეს. დავუჯეროთ მოციქულ პავლეს - ვერიდოთ ასეთებს“, - წერს დავით ქართველიშვილი.
| სარეკლამო ადგილი - 11 650 x 60 |
