არჩევნებში მარცხისთვის განწირული ოპოზიცია ყველაფერზეა წამსვლელი, მათ შორის მკვლელობაზე და მათ შორის, ტერორისტული აქტის გზით სახელმწიფო გადატრიალებაზე. განულებული და უკვე გაკრიმინალებული ოპოზიცია აღიარებისა და არ აღიარების ზღვარზეა, მაგრამ ფაქტებით დასტურდება ის რაზეც ისინი სიჩუმეს ინარჩუნებენ, - ამის შესახებ "ხალხის ძალის" წევრი, თამთა მეგრელიშვილი წერს, რითაც ეხმიანება სუს-ის გამოძიებას "ქართული ოცნების" საპატიო თავმჯდომარის, ბიძინა ივანიშვილის და სხვა მაღალჩინოსნების მიმართ ტერორისტული აქტის მომზადებისა და შეთქმულებით სახელმწიფო გადატრიალების შესახებ.
მეგრელიშვილის თქმით, ქართულ სახელმწიფოში შესაბამისი სამსახურები გამართულად მუშაობენ და მსგავსი სახის მძიმე განზრახვებს ძირშივე აღკვეთენ, ამასთან, 26 ოქტომბრის არჩევნები იქნება ხალხის ხელში მთავარი ბერკეტი და იარაღი რითაც ოპოზიციური სპექტრის პოლიტიკური ჰალუცინაციები წარსულს ჩაბარდება და ყველა მათგანს დამსახურებული პასუხი გაეცემა.
"სახელმწიფო უსაფრთხოების სამსახური გამოძიებას აწარმოებს და მიმდინარეობს გამოკითხვები ტერორისტული აქტის მომზადებისა და შეთქმულებით სახელმწიფო გადატრიალებისა მუხლებით.
გამოკითხვის დროს საუბარი იყო „ქართული ოცნების“ საპატიო თავმჯდომარის, ბიძინა ივანიშვილის და პარტიის სხვა მაღალჩინოსნების მიმართ ტერორისტული აქტის შესაძლო მომზადებაზე.
გამოკითხული პირებიც ადასტურებენ, რომ საქმე ეხება ქართული ოცნების ლიდერების, ასევე პარტიის საპატიო თავმჯდომარის, ბიძინა ივანიშვილის მიმართ ტერორისტული აქტის მომზადებას.
ეს ფაქტი არის კიდევ ერთი დადასტურება იმისა რომ არჩევნებში მარცხისთვის განწირული ოპოზიცია ყველაფერზეა წამსვლელი, მათ შორის მკვლელობაზე და მათ შორის, ტერორისტული აქტის გზით სახელმწიფო გადატრიალებაზე.
განულებული და უკვე გაკრიმინალებული ოპოზიცია აღიარებისა და არ აღიარების ზღვარზეა, მაგრამ ფაქტებით დასტურდება ის რაზეც ისინი სიჩუმეს ინარჩუნებენ.
ქართულ სახელმწიფოში შესაბამისი სამსახურები გამართულად და სრული ფუნქციური დატვირთვით მუშაობენ, მათ არაფერი რჩებათ ყურადღების მიღმა, მათ შორის არც ასეთი მძიმე განზრახვები რომელიც ძირშივე აღკვეთილია.
ამასთან 26 ოქტომბრის არჩევნები იქნება ხალხის ხელში მთავარი ბერკეტი და იარაღი რითაც ოპოზიციური სპექტრის პოლიტიკური ჰალუცინაციები წარსულს ჩაბარდება და ყველა მათგანს დამსახურებული პასუხი გაეცემა.
ვერ ეღირსებით ქართველი ხალხის არჩევანის წინააღმდეგ წასვლას, ვერც სახელისუფლებო ლიდერებსა და ბატონ ბიძინა ივანიშვილს დააკლებთ რამეს და შეცვლით.
პოლიტიკური სამართლიანობა მოითხოვს "ქართული ოცნების" როგორც სახელისუფლებო ძალის პოლიტიკაში
არსებობას და ბიძინა ივანიშვილის ფაქტორი - გეთამაშოთ წაუგებელი თამაში
პოლიტიკურ არეალზე ამინდს საგრძნობლად გიცვლით და კიდევ დიდი ხანი შეგიცვლით", - წერს თამთა მეგრელიშვილი.
| სარეკლამო ადგილი - 11 650 x 60 |
