აბსოლუტურად მოშიშვლდა ლიბერალური ფაშიზმი. ფსიქოლოგიური ტერორიდან რომ არაფერი გამოსდით, სისხლიან ანგარიშსწორებაზეც გახდნენ წამსვლელები, - ასე ეხმიანება „ხალხის ძალის“ წევრი ზურაბ ქადაგიძე საპარლამენტო უმრავლესობის ლიდერის, მამუკა მდინარაძის განცხადებას, რომლის თქმითაც, „ყველამ იცოდა, რომ საქმე მიდიოდა ტერორიზმის მუხლით - ტელევიზიები, პოლიტიკოსები, თავად მოწმეები რატომ არ ამბობდნენ ამ ყველაფერს, ეს, მინიმუმ, ძალიან საეჭვო არ არის?“.
ქადაგიძე აღნიშნავს, რომ ყველამ, ვინც ბიძინა ივანიშვილის მიმართ ტერორისტული აქტის შესაძლო მომზადებაში ფიგურირებს, კანონის უმკაცრესად უნდა აგოს პასუხი.
„მამუკა მდინარაძე - ყველამ იცოდა, რომ საქმე მიდიოდა ტერორიზმის მუხლით - ტელევიზიები, პოლიტიკოსები, თავად მოწმეები რატომ არ ამბობდნენ ამ ყველაფერს, ეს, მინიმუმ, ძალიან საეჭვო არ არის?
აბსოლუტურად მოშიშვლდა, ლიბერალური ფაშიზმი. ფსიქოლოგიური ტერორიდან რომ არაფერი გამოსდით, სისხლიან ანგარიშსწორებაზეც გახდნენ წამსვლელები. არავის დაინდობენ ეს ნაძირალები და ამიტომაცაა საჭირო მაქსიმალური სიფხიზლე, როგორც სახელმწიფოს მხრიდან, ასევე მოქალაქეების მხრიდანაც, რადგან ყველაზე ძლიერი იარაღია ჩვენი პოზიცია.
მადლობა სამართალდამცავ ორგანოებს ოპერატიული მუშაობისთვის.
ყველა ვინც ამ საქმეში ფიგურირებს, კანონის უმკაცრესად უნდა აგოს პასუხი!" - წერს ქადაგიძე.
| სარეკლამო ადგილი - 11 650 x 60 |
