ლევან ნიკოლეიშვილი: როგორც ეშმაკს ჯვრის, ისე ეშინიათ "ნაცებს" ომის გამოძიების, რაც სხვათა შორის, ისევეა "რუსული საქმე", როგორც გამჭვირვალობის ქართული კანონი - ხელისუფლება ვალდებულია ყველა გარდაცვლილი ადამიანის ხსოვნის წინაშე, ქვეყნისა და ხალხის წინააღმდეგ ჩადენილი ღალატი გამოიძიოს
სარეკლამო ადგილი - 10
650 x 60
171 16 აგვისტო 2024, 13:51
სააკაშვილმა გამოსცა ბრძანებულება, სადაც წერს რომ რუსულმა ჯარმა როკის გვირაბი 8 აგვისტოს გამოიარა და შემოვიდა საქართველოში, ამ ყველაფერს თავად აღიარებენ და დღევანდელ ხელისუფლებას ეუბნებიან, რომ საქართველოს ომის დაწყებას აბრალებთ და ომის გამოძიება რუსული საქმის კეთებააო,  -  ასე ეხმიანება "ერთიანი ნეიტრალური საქართველოს" წევრი, ლევან ნიკოლეიშილი, 2008 წლის ომის გამოძიების დაწყებასთან დაკავშირებით რადიკალური ოპოზიციის რეაქციას.

მისი განცხადებით, ოპოზიციის ლოგიკა ისეთი მახინჯია, რომ თავად მოაწერეს ხელი ევროსაბჭოს რეზოლუციას, სადაც ეწერა, რომ ომი საქართველომ დაიწყო, თავად დაეთანხმნენ ტალიავინის დასკვნასაც, თავად ამბობენ ყველა ინტერვიუში, რომ ცხინვალში შევიდნენ და რეგიონის გათავისუფლება დაიწყეს, ამ ფონზე კი, დღევანდელ ხელისუფლებას ეუბნებიან, რომ ომის გამოძიება რუსული საქმის კეთებაა.

"რადიკალური ოპოზიციის ლოგიკა ასეთი მახინჯია - თავად მოაწერეს ხელი რეზოლუციას, სადაც ეწერა, რომ ომი საქართველომ დაიწყო. თავად დაეთანხმნენ ჰაიდი ტალიავინის დასკვნას, სადაც წერია რომ სააკაშვილის რეჟიმის მიერ, ცხინვალის დაბომბვამ გამოიწვია ფართომასშტაბიანი ომი და რუსეთს მისცა სამართლებრივი არგუმენტი, საქართველოში შემოჭრილიყო, თავად ამბობენ ყველა ინტერვიუში, რომ შევიდნენ ცხინვალში და დაიწყეს რეგიონის გათავისუფლება სეპარატისტებისგან, სააკაშვილმა გამოსცა ბრძანებულება, სადაც წერს რომ რუსულმა ჯარმა როკის გვირაბი 8 აგვისტოს გამოიარა და შემოვიდა საქართველოში, ამ ყველაფერს თავად აღიარებენ და დღევანდელ ხელისუფლებას ეუბნებიან, რომ საქართველოს ომის დაწყებას აბრალებთ და ომის გამოძიება რუსული საქმის კეთებააო. ცხადია, როგორც ეშმაკს ჯვრის, ისე ეშინიათ ნაცებს ომის გამოძიების, რაც სხვათა შორის, ისევეა "რუსული საქმე", როგორც გამჭვირვალობის ქართული კანონი. ხელისუფლება ვალდებულია ყველა გარდაცვლილი ადამიანის ხსოვნისა და სულის წინაშე, რომ გამოიძიოს 2008 წელს, ქვეყნისა და ხალხის წინააღმდეგ ჩადენილი ღალატი და უმკაცრესად დასაჯოს ყველა დამნაშავე, წერტილი." - წერს ნიკოლეიშვილი სოციალურ ქსელში.
სარეკლამო ადგილი - 11
650 x 60
მსოფლიო ბირთვული კატასტროფის წინაშე დგას - ვინც ქვეყნის დესტაბილიზაციას ხელს უწყობს, უნდა განეიტრალდეს, უნდა დაიწყოს მოლაპარაკებები სამეზობლოსთან უსაფრთხოების ერთობლივი ღონისძიებების შემუშავებისა და განხორციელების შესახებ, უნდა გამკაცრდეს კონტროლი საზღვრებზე
გია აბაშიძე ანალენა ბერბოკის საჩივარზე: „ნაცების“ ტელეეთერებში მოუბარ „დაჩაგრულ-დევნილთა“ რეაქცია მაინტერესებს - გერმანიაც „გაჩელიაბინსკდა?“
ჩვენისთანა პატარა ქვეყანა პირველ სამიზნეშია „დიფ სთეითის“ იმიტომ, რომ სწორედ პატარა ქვეყნის პოზიციებიდან ჩვენზე გაცილებით უფრო მძლავრ და დიდ ქვეყნებს ვაძლევთ მაგალითს, რომ „დიფ სთეითთან“ გამკლავება საჭიროა
გლობალისტები და "დიფ სთეითი" აშშ-ში ყველაფერს იმავე „ფერადი რევოლუციების“ შაბლონების მიხედვით აკეთებენ, რაც საქართველოსთვის ჰქონდათ მომზადებული
როცა დავით ქართველიშვილის წერილს ვკითხულობდი, ტრამპის სიტყვები გამახსენდა. მან თქვა, რომ კანადას აშშ მიიერთებს. თანაც, ისე მარტივად განაცხადა ეს გეგმა, თითქოს არც კი არსებობდეს კანადა, როგორც სუვერენული სახელმწიფო
არქივი