ზაალ ანჯაფარიძე: 26 ოქტომბერს ორბელიანების სასახლეში ე.წ. „საკოორდინაციო პლატფორმის,“ ფაქტობრივად კი „რევკომის“ მოწყობა, არის არა მხოლოდ უკანონობა, ეს არის ქართული საზოგადოების და სახელმწიფოს ღიად გამოწვევა დუელში
სარეკლამო ადგილი - 10
650 x 60
162 08 ოქტომბერი 2024, 10:50

დიდხანს უხარეს თავი სალომე ზურაბიშვილს, დიდხანს იტანეს მისი თავხედური კაპრიზები და მავნებლობები და... ლოგიკური შედეგიც დადგა. ის სრულიად თავხედურად წამოაჯდა თავზე ქართველ ხალხს და ქართულ სახელმწიფოს, რომელსაც არასოდეს თვლიდა თავისად, რისი მოწმენიც არაერთხელ ვყოფილვართ, წერს ანალიტიკოსი ზაალ ანჯაფარიძე სოციალურ ქსელში.

ანალიტიკოსი სალომე ზურაბიშვილის იმ განცხადებას ეხმიანება, რომლის თანახმად, არჩევნების დღეს, 26 ოქტომბერს ორბელიანების სასახლეში საკოორდინაციო პლატფორმა მოეწყობა. ანალიტიკოსის შეფასებით, ზურაბიშვილი და მის ირგვლივ შემოკრებილი ოპოზიცია თავიანთი ქმედებებით შეგნებულად გადიან ქვეყნის კონსტიტუციის ჩარჩოებიდან.

„რაც უფრო მეტად დაუხრი თავს თავხედს, მით უფრო მეტად და მწარედ წამოგაჯდება თავზე. დიდხანს უხარეს თავი სალომე ზურაბიშვილს, დიდხანს იტანეს მისი თავხედური კაპრიზები და მავნებლობები და... ლოგიკური შედეგიც დადგა. ის სრულიად თავხედურად წამოაჯდა თავზე ქართველ ხალხს და ქართულ სახელმწიფოს, რომელსაც არასოდეს თვლიდა თავისად, რისი მოწმენიც არაერთხელ ვყოფილვართ.
26 ოქტომბერს კანონის და კონსტიტუციის უხეშად დარღვევით პრეზიდენტის რეზიდენციაში ორბელიანების სასახლეში ე.წ. „საკოორდინაციო პლატფორმის,“ ფაქტობრივად კი „რევკომის“ მოწყობა, არის არა მხოლოდ უკანონობა, და ქვეყანაში დესტაბილიზაციის ახალი კერის შექმნა. ეს არის ქართული საზოგადოების და სახელმწიფოს ღიად გამოწვევა დუელში. ზურაბიშვილის აბსურდულ განცხადებაზე „ერთად ვიზეიმოთ გამარჯვებაო,“ რითაც დაადასტურა რომ არის მხარე, ბევრი კომენტარი არც ღირს. აქ მთავარია ის, რომ ზურაბიშვილი და მის ირგვლივ შემოკრებილი ოპოზიცია თავიანთი ქმედებებით შეგნებულად გადიან ქვეყნის კონსტიტუციის ჩარჩოებიდან. რატომ? იმიტომ რომ ევროკავშირიდან და აშშ-დან „მწვანე შუქი“ აენთოთ. ამის დასტური გახლდათ თუნდაც აშშ-ს საელჩოს ყბადაღებული "ქარდები", ასევე დიპლომატიური პროტოკოლიდან და ეტიკეტიდან გასული ევროკავშირის ელჩის ჰერჩინსკის განცხადება, რომ „ქართული ოცნების“ ხელისუფლების პირობებში საქართველო ევროკავშირის წევრი ვერ გახდებაო. ეს თავხედური განცხადება მას რატომღაც გაუტარეს“, - წერს ზაალ ანჯაფარიძე.

სარეკლამო ადგილი - 11
650 x 60
ოპოზიციონერი აქტივისტი დათო აბზიანიძე: თამარ ჩერგოლეიშვილს და თავის ქმარს რატომ არავინ იბარებს ისე კომისიაზე დასაკითხად? გიგა ბოკერიაზე უფრო „ნაცრეჟიმის“ შემოქმედი ვინმე გახსენდებათ?
მაია ორჯონიკიძე: გიგა ბოკერია დღემდე არის ივანიშვილის მთავარი და შეუცვლელი დასაყრდენი ოპოზიციაში და ამას ვერ შენიღბავს მისი ცრუ ვერბალური თავდასხმები ბიძინასა და მის რეჟიმზე
ლევან ნიკოლეიშვილი: შეერთებული შტატების პოლიტიკა დამყარებულია იმაზე, თუ მსოფლიოში როგორ მიაღწევს იმ მიზნებს, რა მიზნებიც მას გააჩნია. ევროკავშირი არის ის ორგანიზაცია, რომელიც, ღიად შეიძლება ითქვას, ტრამპს მაინცდამაინც არ სიამოვნებს
ზურაბ ქადაგიძე რადიკალურ ოპოზიციაზე: მათ მიერ მართული პროცესი მივიდა იმ კულმინაციამდე, რომ ეგზისტენციალური საკითხი დგას უკვე, ან აგრძელებენ მოქმედებას, ან საერთოდ ასრულებენ ყველაფერს
შალვა პაპუაშვილი: საგანგაშოა, რომ ევროკავშირის საელჩოს დღემდე არც ერთხელ არ დაუგმია მისი დაფინანსებული პირებისგან მომდინარე ძალადობა, სიძულვილი და დეზინფორმაცია
არქივი