მამუკა მდინარაძე: თუკი ვინმე იტყვის, რომ ან პირადობის მოწმობის გამორთმევა ამომრჩევლისთვის, ან სხვაგვარი კანონდარღვევა უნდა ჩაიდინოს, უთხარით, რომ ეს არის მავნებლობა, რომელსაც ზიანის მეტი არაფერი მოაქვს
სარეკლამო ადგილი - 10
650 x 60
167 22 ოქტომბერი 2024, 14:32

როგორც ჩანს, პირადობის მოწმობების გამორთმევის თემა მთავარ ფეიკ თემად უნდათ რომ აქციონ. ამავე დროს, ამოვარდა ინფორმაციები, რომ აგენტურული ოპოზიცია აორგანიზებს მსგავს მავნებლობებს და ცდილობენ გაღმა შედავების პრინციპით იმოქმედონ (ზუგდიდი, თელავი და სხვ. თავად უკეთ მიხვდებიან…), - წერს „ქართული ოცნების“ აღმასრულებელი მდივანი, მამუკა მდინარაძე, სოციალურ ქსელში.

ის მიმართავს ნებისმიერი პოლიტიკური გემოვნების ამომრჩეველს, არავის გადასცენ პირადობის მოწმობა, საკუთარი შეხედულებისამებრ მიიღონ არჩევნებში მონაწილეობა და აიღონ საკუთარ არჩევანზე პასუხისმგებლობა, ვინაიდან, ამ არჩევნების შედეგებზე ქვეყნის მომავალია დამოკიდებული.

„როგორც ჩანს, პირადობის მოწმობების გამორთმევის თემა მთავარ ფეიკ თემად უნდათ რომ აქციონ.

ამავე დროს, ამოვარდა ინფორმაციები, რომ აგენტურული ოპოზიცია აორგანიზებს მსგავს მავნებლობებს და ცდილობენ გაღმა შედავების პრინციპით იმოქმედონ (ზუგდიდი, თელავი და სხვ. თავად უკეთ მიხვდებიან…).

ამიტომ, კიდევ ერთხელ მივმართავ, ყველას, ვინც საარჩევნო პროცესებშია ჩართული, პირველ რიგში "ქართული ოცნების" აქტივს:

საერთოდ არაფერში გვჭირდება თუნდაც მცირე გადახვევაც კი კანონის ჩარჩოებიდან. რომც გვჭირდებოდეს, არ ვიკადრებთ! ამიტომ, თუკი ვინმე, ნებისმიერ დონეზე, იტყვის, რომ ან პირადობის მოწმობის გამორთმევა ამომრჩევლისთვის, ან სხვაგვარი კანონდარღვევა უნდა ჩაიდინოს, მიუთითეთ ამ განცხადებაზე და უთხარით, რომ პირიქით, ეს არის მავნებლობა, რომელსაც ზიანის მეტი არაფერი მოაქვს.

რაც შეეხება ამომრჩეველს, მივმართავ ყველას, ნებისმიერი პოლიტიკური გემოვნების მიუხედავად:

რაც არ უნდა ხდებოდეს, არავის გადასცეთ თქვენი პირადობის მოწმობა, საკუთარი შეხედულებისამებრ მიიღეთ არჩევნებში მონაწილეობა და ყველას გთხოვთ, აიღოთ პასუხისმგებლობა როგორც მონაწილეობაზე, ასევე თქვენს არჩევანზე! ამ არჩევნების შედეგებზე ისეა ქვეყნის მომავალი დამოკიდებული, როგორც არასდროს!

თითოეული ხმა გადამწყვეტია და არავის მიცეთ უფლება, ჩაერიოს თქვენ არჩევანში!

ხვალ კი, საღამოს შვიდზე, გელოდებით თავისუფლებაზე რეალური თავისუფლებისთვის და ღირსეული, ტრადიციული, ქრისტიანული ევროპისთვის!
მხოლოდ მშვიდობით,
ღირსებით,
კეთილდღეობით,
ევროპისკენ!“, - წერს მამუკა მდინარაძე.

სარეკლამო ადგილი - 11
650 x 60
ბატონ ერდოღანთან შეხვედრის დროს კიდევ ერთხელ დაფიქსირდა ორ ქვეყანას შორის ურთიერთობების სიმტკიცე
ალასკის გუბერნატორი: ალასკა ტრამპისა და პუტინის ისტორიული შეხვედრის მასპინძლობისთვის მზად არის
ვულოცავ აშშ-ის და აზერბაიჯანის პრეზიდენტებს და სომხეთის პრემიერს ისტორიული სამშვიდობო შეთანხმების მიღწევას
BMG, რომელიც პირდაპირ ქვეყნის ჩამოშლას ცდილობს, უცხოელებმა იყიდეს. როგორც ჩანს, მათ მავნებლობის გაგრძელება და უფრო მეტიც, მავნებლობის გაძლიერებაში კიდევ უფრო მეტი ფულის ჩასხმა აქვთ მიზნად
დავით ჩიხელიძე მზია ამაღლობელის განაჩენზე: ოპოზიცია და დიპლომატიური წარმომადგენლობა შეშფოთებულა, თუმცა, კარგად იციან, რომ ამაღლობელმა რაც სამართალდამცველის მიმართ გააკეთა, ყველა სამართლებრივ სახელმწიფოში დასჯადია
არქივი