გიორგი კალანდარიშვილი: დღეს 73-ვე საარჩევნო ოლქში 5-5 საარჩევნო უბნის გადათვლები განხორციელდება. თუ რომელიმე უბანზე შედეგებთან დაკავშირებით არის კითხვის ნიშნები, დაესწრონ, ნახონ, რამდენად სწორად არის პროცესი განხოციელებული
სარეკლამო ადგილი - 10
650 x 60
146 29 ოქტომბერი 2024, 15:23

ცენტრალური საარჩევნო კომისია ხმების ხელახალი გადათვლის პროცედურას ასრულებს. 72 ოლქიდან შემთხვევითობის პრინციპით 5-5 უბანი შეირჩა. ცესკოს თავმჯდომარის განცხადებით, ყველა უფლებამოსილ პირს საშუალება აქვს აღნიშნულ პროცესს დაესწრო. დღესვე გიორგი კალანდარიშვილმა კომენტარი გააკეთა იმ სპეკულაციებთან დაკავშირებით, რაც ელექტრონულ ტექნოლოგიებს უკავშირდება.

„ტექნოლოგიებთან მიმართებაში ორიოდე დღის წინ დასრულდა პირველი-მეორე ფაზის შესაბამისობის აუდიტი, რომელიც ჩაატარა ამერიკულმა კომპანიამ, რომელიც გახლავთ ორიდან ის ერთი აკრედიტებული, რომელსაც გააჩნია როგორც შესაბამისობის აუდიტირება, ასევე შესაბამისი ლიცენზიების მინიჭება ვენდორი კომპანიებისთვის. მათ მიერ ჩატარებულმა აუდიტმა კიდევ ერთხელ ხაზი გაუსვა იმას, რომ ამომრჩეველთა სიებში პირის დუბლირება არის შეუძლებელი. ცესკოს სერვერებზე არსებულ ინფორმაციასთან სრულ თანხვედრაშია აპარატში ჩაწერილი ინფორმაცია.

დღეს მთელი ქვეყნის მასშტაბით 73-ვე საარჩევნო ოლქში წილისყრით გამოვლენილი 5-5 საარჩევნო უბნის - ე.წ. რენდომ პრინციპით გამოვლენილი უბნის გადათვლები განხორციელდება, რაც არის დამატებითი შესაძლებლობა იმისა, რომ თუკი
სადმე, რომელიმე უბანზე შედეგებთან დაკავშირებით არის კითხვის ნიშნები, კიდევ ერთხელ დაესწრონ, ნახონ და თავად დარწმუნდნენ, რამდენად სწორად თუ ხარვეზიანად არის პროცესი განხორციელებული“, - განაცხადა გიორგი კალანდარიშვილმა.

სარეკლამო ადგილი - 11
650 x 60
ცესკო არჩევნებში ჩართულ მედიას, საერთაშორისო ორგანიზაციებსა და ადგილობრივ არასამთავრობო სექტორს 4 ოქტომბრის არჩევნებისთვის აკრედიტაცია/რეგისტრაციის ვადებს შეახსენებს
ცესკომ 2025 წლის 4 ოქტომბრის არჩევნებისთვის საარჩევნო სუბიექტების რიგითი ნომრები განსაზღვრა
გიორგი სანტურიანი: წილის ყრით, რიგითი ნომერი უნდა მიენიჭოს სულ 12 პოლიტიკურ გაერთიანებას, ერთიდან დაწყებული ყველა თავისუფალი ნომერი მოხვდება დოლურაში და გათამაშდება
60 დღით ადრე პრეზიდენტმა გამოსცა აქტი არჩევნების დანიშვნის შესახებ, რაც ნიშნავს იმას, რომ ამ 60 დღიან პერიოდში მთელი რიგი სამართლებრივი რეგულაციები ამოქმედდა
ცესკომ დაიწყო ტრენერთა ტრენინგი, რომელიც ასობით ტრენერის გადამზადებას მოიცავს
არქივი