449
30 ოქტომბერი 2024, 15:34
„რა გინდათ ცესკოს თანამშრომლებისგან? დავსაჯოთ, რადგან არჩევნები სრულყოფილად ჩაატარეს?“, - ამის შესახებ ექსპერტი დავით ჩიხელიძე სოციალურ ქსელში წერს.
მისი თქმით, ოპოზიცია ცესკოს თანამშრომლების გაშავებით არის დაკავებული.
„არ წყდება ცესკოს თანამშრომელთა ბულინგი, დაშინება და ა.შ. რა გინდათ ცესკოს თანამშრომლებისგან? დავსაჯოთ, რადგან არჩევნები სრულყოფილად ჩაატარეს? ოპოზიცია, ცესკოს თანამშრომელთა გაშავებას, მათი პროფესიონალიზმის გამო ახორციელებს. არ გამოვა მეგობრებო ადამიანთა უშინაარსო ბულინგი, კანონი მარტივი და მკაცრი მოცემულობაა, ყოველი მუქარა რომელიც ცესკოს თანამშრომლის წინააღმდეგ ხორციელდება სათანადოდ უნდა იყოს გამოძიებული და პასუხგაცემული.
სამწუხაროა, რომ დღეს არა კონსტრუქციულ, ჯანსაღ პოლემიკას, არამედ ძალადობაზე დაფუძნებულ პოლიტიკას ვხედავთ, რომელსაც არაფერი აქვს საერთო დემოკრატიასთან, აბა დასავლეთის ქვეყნებში ცადეთ მსგავსი შინაარსის ტექსტების დაწერა, ან საარჩევნო ადმინისტრაციის თანამშრომლებთან დარეკვა და ა.შ. ეს არა გამოხატვის თავისუფლება, არამედ ხულიგნობა და დანაშაულია, დანაშაული რომელიც არავის შერჩება.ჩემი სრული, მყარი მხარდაჭერა ცესკოს თანამშრომლებს, მადლობა ქვეყნის სამსახურისთვის და პროფესიონალიზმისთვის!“, - წერს დავით ჩიხელიძე.
| სარეკლამო ადგილი - 11 650 x 60 |
