„ადამიანებზე მელნის შესხმით და ასეთი მდარე საქციელებით ვერ გადაატრიალებთ ამ ქვეყანას!“ - ასე გამოეხმაურა „ქართული ოცნება - დემოკრატიული საქართველოს“ ნაძალადევის რაიონის დელეგატი ირაკლი ხელაძე ცესკოს თავმჯდომარის გიორგი კალანდარიშვილისთვის, „ნაცმოძრაობის“ წარმომადგენლის დავით კირთაძის მიერ საღებავის შესხმას.
„არჩევნების შემაჯამებელი ოქმის თანახმად, „ქართულ ოცნებას“ საქართველოს პარლამენტში 89 დეპუტატი ჰყავს, ოპოზიციას ერთიანობაში 61 მანდატი აქვს. ამდენ ბაქიბუქს ჯობს საპარლამენტო ტრიბუნა გამოიყენოთ და თქვენი წილი პასუხისმგებლობა აიღოთ საკუთარი ამომრჩევლის წინაშე.
ადამიანებზე მელნის შესხმით და ასეთი მდარე საქციელებით ვერ გადაატრიალებთ ამ ქვეყანას! „ტოპტვინებმა“ დაივიწყეთ ეს გეგმა! ცოტა უფრო ადეკვატურ გეგმებს ელის თქვენი ამომრჩეველი, მათ მაინც ეცით პატივი“, - წერს ირაკლი ხელაძე.
| სარეკლამო ადგილი - 11 650 x 60 |
