„ევროპა კვდება ევროპული, ქრისტიანული ღირებულებებისადმი ღალატის და გაბატონებული ლიბერალური ფაშიზმის შედეგად," - წერს სოციალურ ქსელში „ხალხის ძალის“ წევრი თამარ ჩიბურდანიძე. მისი აზრით, სწორედ ეს გახდა იმის მიზეზი, რომ წლების წინ ევროპამ მოსახლეობის შესავსებად იმიგრანტების ნაკადის მიღება დაიწყო.
„ილონ მასკმა გამოაქვეყნა ევროპული სახელმწიფოების დემოგრაფიული მონაცემები, სადაც მოსახლეობის საგანგაშო კლებაა. ეს პროცესები დაწყებულია ჯერ კიდევ ათეული წლების წინ. ევროპაში დემოგრაფიული მდგომარეობა უკიდურესად მძიმეა. ტიტულიანი ერები, რომლებმაც შექმნეს ევროპული ცივილიზაცია, გაქრობის პირასაა.
ევროპა კვდება ევროპული, ქრისტიანული ღირებულებებისადმი ღალატის და გაბატონებული ლიბერალური ფაშიზმის შედეგად. ევროპა კვდება ვითომ დემოკრატიული, სინამდვილეში კი არასწორი მიგრაციული პოლიტიკის გამო. სწორედ მოსახლეობის შესავსებად დაიწყეს იმიგრანტების ნაკადის მიღება წლების წინ, რითაც კიდევ უფრო გაანადგურეს საკუთარი გენოფონდი და დღეს უკვე საკუთარი ეროვნული პოლიტიკაც.
ევროპა კვდება ბოლო წლებში ომის პოლიტიკის წარმოების გამო. ევროპა მაგალითია ყველა იმ ქვეყნისთვის, ვინც საკუთარ ტრადიციებს, გაბატონებულ ფსევდო ლიბერალურ დოქტრინებს ფეხქვეშ გაათელვინებს. დღეს ევროპის გადარჩენის გასაღები მხოლოდ ევროპელების ხელშია, შეძლებენ თუ არა უძველესი კულტურის მქონე ერები გადარჩენას? თუ დარჩება მხოლოდ ტერიტორია, რომელსაც ერქმევა უბრალოდ ევროპა? ქართველი ხალხი მაგალითი უნდა იყოს ევროპისთვის იმის, თუ ამ ურთულეს პერიოდში როგორ ვცდილობთ საკუთარი ერის გადარჩენას. მართალია, დღეს ჩვენც მძიმე დემოგრაფიული მდგომარეობა გვაქვს, მაგრამ როდესაც ერი ფხიზლადაა და ეროვნული ხელისუფლება ჰყავს, გადარჩენის შანსი ყოველთვის არის. მხოლოდ ამიტომ გვწყალობს უფალი,” - წერს თამარ ჩიბურდანიძე.
| სარეკლამო ადგილი - 11 650 x 60 |
