333
02 დეკემბერი 2024, 14:05
სტრატეგიული პარტნიორობა, თუ სწორად და ზუსტად გავიგებთ ცნება "სტრატეგიულის" მნიშვნელობას, გაცილებით მეტს ნიშნავს, ვიდრე ის რაც აშშ-სა და საქართველოს შორის არსებობდა. საქართველოს აშშ-მ არ მისცა სავაჭრო ურთიერთობების კეთილდღეობის რეჟიმი, ჩვენს მოქალაქეებს დღემდე უწევთ ბიუროკრატიული ბარიერების გადალახვა აშშ-ში ვიზების მისაღებად, არ გვაქვს აშშ-სთან პირდაპირი ფრენები და ა.შ., - წერს ანალიტიკოსი ზაალ ანჯაფარიძე აშშ-ის სახელმწიფო დეპარტამენტის მიერ გავრცელებულ განცხადებასთან დაკავშირებით, სადაც აღნიშნულია, რომ აშშ საქართველოსთან სტრატეგიულ პარტნიორობას აჩერებს.
ანჯაფარიძის განცხადებით, იმ თანხებიდან, რაც 32 წლის მანძილზე აშშ-მა საქართველოში დახარჯა, დიდი ნაწილი მოხმარდა აქაური აგენტურის გამოზრდას, რომლებიც დღემდე რომ კმაყოფაზე ჰყავთ. მისივე თქმით, სტრატეგიული პარტნიორობის შეჩერება, ისევე როგორც სხვა აქტები, მიმართულია სწორედ საპროტესტო აქციებზე გამოსული აშშ-ის აგენტურისთვის.
"აშშ, რომლის წარმავალმა პრეზიდენტმა საკუთარი ვადა იმით დაასრულა რომ თხემით ტერფამდე კორუფციაში ჩაფლული საკუთარი შვილი შეიწყალა და დამსახურებული სასჯელისგან იხსნა (სხვა "მარგალიტებზე" არაფერს ვამბობ) ჩვენ გვიტარებს დემოკრატიის გაკვეთილებს, რაც მათი აზრით სტრატეგიული პარტნიორობის შეჩერებაში უნდა გამოიხატებოდეს. ააყვირეს მათი აქაური აგენტურა, რომ ეს თურმე ჩვენდამი აშშ-ს მეგობრობის გამოხატულება არისო.
სტრატეგიული პარტნიორობა, თუ სწორად და ზუსტად გავიგებთ ცნება "სტრატეგიულის" მნიშვნელობას, გაცილებით მეტს ნიშნავს, ვიდრე ის რაც აშშ-სა და საქართველოს შორის არსებობდა. საქართველოს აშშ-მ არ მისცა სავაჭრო ურთიერთობების კეთილდღეობის რეჟიმი, ჩვენს მოქალაქეებს დღემდე უწევთ ბიუროკრატიული ბარიერების გადალახვა აშშ-ში ვიზების მისაღებად, არ გვაქვს აშშ-სთან პირდაპირი ფრენები და ა.შ.
იმ თანხებიდან ($6მლრდ), რაც 32 წლის მანძილზე აშშ-მ საქართველოში დახარჯა, ლომის წილი მოხმარდა აქაური აგენტურის თუ კონტრელიტის გამოზრდას და დაფინანსებას, დღემდე რომ კმაყოფაზე ჰყავთ.
ხოლო სტრატეგიული პარტნიორობის შეჩერება, ისევე როგორც სხვა აქტები მიმართულია სწორედ საპროტესტო აქციებზე გამოსული მათი აგენტურისთვის ახალი სულის შთაბერვისკენ, მათაც მყისიერად აიტაცეს ეს.
ნამდვილად არ მგონია, რომ აშშ-ს ადმინისტრაციაში წაკითხულიდან ან ნათქვამიდან შინაარსის გამოტანა უჭირდეთ. საქართველოში ევროპულ კურსზე უარი არავის უთქვამს." - წერს ზაალ ანჯაფარიძე Facebook-ზე.
| სარეკლამო ადგილი - 11 650 x 60 |
