278
23 დეკემბერი 2024, 21:24
პარტია „ხალხის ძალის“ წევრი დავით ქართველიშვილი ამერიკის საელჩოს მიერ Facebook-ში ხშირად გამოქვეყნებულ ქარდებს მედიასთან საუბარში გამოეხმაურა და განაცხადა, რომ აღნიშნული ქარდები საელჩოს მიერ აღარ ქვეყნდება.
მისივე თქმით, ქარდების გამოქვეყნება მას შემდეგ შეწყდა, რაც ელჩისთვის და მისი მოადგილისთვის მკაფიოდ გახდა ცნობილი დონალდ ტრამპის გზავნილები.
„ყველას გვახსოვს დეკემბრის დასაწყისში Facebook-ში ამერიკის შეერთებული შტატების საელჩოს მიერ გამოქვეყნებული ქარდები, რომელიც 10 დეკემბრის შემდეგ გაქრა და აღარ ქვეყნდება. აღსანიშნავია, რომ საელჩომ Facebook -ის მართვის მენეჯერის თანამდებობაზე ვაკანსიაც კი გამოაცხადა.
ელჩ რობინ დანიგანს და მის მოადგილეს, რომელიც ფერადი რევოლუციების სპეციალისტია რასაკვირველია აქვთ ინფორმაციები თუ რას აპირებს დონალდ ტრამპი ინაუგურაციის შემდეგ და რა არის მისი გზავნილები. აინტერესებთ რჩებიან თუ არა უმუშევრები. ისინი ან გაიკეთებენ ახალ თხილამურებს და ახალ ტრასებზე გავლენ ან მიიღებენ მოტეხილობას და დიდი სიამოვნებით შეცვლიან მათ“, - განაცხადა დავით ქართველიშვილმა.
| სარეკლამო ადგილი - 11 650 x 60 |
