292
25 დეკემბერი 2024, 17:53
პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, რატი იონათამიშვილი ოპოზიციონერ აქტივისტ ნანა დიხამინჯიას მიერ საპარლამენტო უმრავლესობის ლიდერ, მამუკა მდინარაძესთან სიტყვიერ დაპირისპირებისას ეხმიანება და აღნიშნავს, რომ ეს არის ლიბერალური ფაშიზმის სახე.
„ეს ადამიანი არგუმენტებში გაცამტვერდა. მას უნდოდა, რომ მამუკა მდინარაძის მიმართ ხელოვნური ვიდეო დაედგა და საბოლოო ჯამში რა შედეგიც მიიღო ვნახეთ - დგას და ბოდიშს იხდის - ასეთ პოლემიკაში ამ ადამიანებს არანაირი არგუმენტები არ გააჩნიათ და დაზეპირებული მესიჯბოქსებით გამოდიან მხოლოდ. ეს არის ლიბერალური ფაშიზმის სახე და როდესაც შენს ეროვნულობას სიმართლეს უპირისპირებ, ლიბერალური ფაშიზმი ნადგურდება“, - აღნიშნა იონათამიშვილმა.
„ქართული ოცნების“ აღმასრულებელ მდივანს, საპარლამენტო უმრავლესობის წევრს, მამუკა მდინარაძეს ოპოზიციონერი აქტივისტი ნანა დიხამინჯია სიტყვიერად დაუპირისპირდა, რომლის ამსახველი ვიდეოც სოციალურ ქსელში გამოქვეყნდა.
| სარეკლამო ადგილი - 11 650 x 60 |
