177
02 აპრილი 2025, 00:37
საქართველოს ეკონომიკური ზრდის საბაზისო პროგნოზის მიხედვით წლის დასაწყისში გვქონდა 5%-იანი ეკონომიკური ზრდა, ახლა კი 6,8%-მდე გავზარდეთ, - განაცხადა Galt&taggart-ის მთავარმა ეკონომისტმა ლაშა ქავთარაძემ.
„წლის დასაწყისში გვქონდა საბაზისო სცენარით 5%-იანი ეკონომიკური ზრდა და ახლა 6,8%-მდე გავზარდეთ. ის რაც იანვარ-თებერვალში დაფიქსირდა და ეს ტრენდი გაგრძელდა შემდგომ თვეებშიც, გამორიცხული არ არის კიდევ ზრდის მიმართულებით მოგვიწიოს გადახედვა ჩვენი პროგრესის. ძირითადი განმაპირობებელი ფაქტორი ამ ზრდისა იქნება მოხმარება, დადებითი იქნება ასევე ინვესტიციების კონტრიბუციაც“, - განაცხადა ქავთარაძემ.
საქართველოს ეკონომიკური ზრდის საბაზისო პროგნოზი 5%-დან 6,8%-მდე გაიზარდა. Galt&taggart-ი ეკონომიკურ პროგნოზს აკორექტირებს. დოკუმენტის მიხედვით, თებერვალში ეკონომიკა 7,7%-ით გაიზარდა, იანვარში კი 11,1%-ით. სპეციალისტები ვარაუდობენ, რომ საქართველოსთან მიმართებაში თავის პროგნოზებს სხვა საერთაშორისო ორგანიზაციებიც დააკორექტირებენ.
| სარეკლამო ადგილი - 11 650 x 60 |
