426
23 აპრილი 2025, 18:10
საქართველოს პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა, ფინანსთა მინისტრმა, ლაშა ხუციშვილმა და ეროვნული ბანკის პრეზიდენტმა, ნათია თურნავამ, აშშ-ში ოფიციალური შეხვედრები გამართეს, ეს აშშ-ში სამთავრობო გუნდის პირველი ოფიციალური ვიზიტი იყო, რომელიც პოზიტიურად უნდა შეფასდეს, - წერს ექსპერტი დავით ჩიხელიძე სოციალურ ქსელში.
მისი განცხადებით, მაღალი დონის შეხვედრების ფონზე გამოიკვეთა კონკრეტული მიმართულებები, რომლებიც საქართველოში გაძლიერდება და განვითარდება.
ექსპერტის შეფასებით, სამთავრობო გუნდის აშშ-ში ვიზიტი, გაზრდის საქართველოს კონკურენტუნარიანობას, შექმნის ახალ სამუშაო ადგილებს და ქვეყნისთვის მნიშვნელოვანი მიმართულებების განვითარებას შეუწყობს ხელს.
“საქართველოს პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა, ფინანსთა მინისტრმა, ლაშა ხუციშვილმა და ეროვნული ბანკის პრეზიდენტმა, ნათია თურნავამ, აშშ-ში ოფიციალური შეხვედრები გამართეს, ეს აშშ-ში სამთავრობო გუნდის პირველი ოფიციალური ვიზიტი იყო, რომელიც პოზიტიურად უნდა შეფასდეს, მრავალმხრივი მაღალი დონის შეხვედრების ფონზე გამოიკვეთა კონკრეტული მიმართულებები, რომელიც მსოფლიო ფინანსური ინსტიტუტების მხარდაჭერის ფონზე გაძლიერდება/განვითარდება, ძირითადი აქცენტი ენერგეტიკაზე, მრეწველობაზე, ტრანსპორტსა და ლოგისტიკაზე გაკეთდა, პარტნიორებისთვის განსაკუთრებით მნიშვნელოვანია შავი ზღვის წყალქვეშა ენერგოკაბელის პროექტი, რომელიც ევროპას ელექტრო ენერგიით მოამარაგებს, ასევე საქართველოს სრული ტერიტორიის ინტერნეტით დაფარვა, რაც საქართველოს კონკურენტუნარიანობას გაზრდის და ინვესტორებისთვის დამატებით კომფორტის ზონას შექმნის. ვიზიტის ფარგლებში მსოფლიო ბანკისგან მივიღეთ დაპირება, რომ გრძელვადიან პერსპექტივაში გაგრძელდება საქართველოს ფინანსური მხარდაჭერა, რაც ჩვენი ქვეყნის შემდგომი განვითარებისთვის მნიშვნელოვანი კომპონენტია.
სამთავრობო გუნდის აშშ-ში ვიზიტი, გაზრდის საქართველოს კონკურენტუნარიანობას, შექმნის ახალ სამუშაო ადგილს და განავითარებს ქვეყნისთვის მნიშვნელოვან საკვანძო მიმართულებებს.” - წერს დავით ჩიხელიძე.
| სარეკლამო ადგილი - 11 650 x 60 |
