391
03 მაისი 2025, 14:16
აშშ-ის ვიცე-პრეზიდენტი ჯეი დი ვენსი პარტიის „ალტერნატივა გერმანიისთვის“ მემარჯვენე ექსტრემისტულ ორგანიზაციად გამოცხადებას ეხმაურება.
როგორც ვენსი სოციალურ ქსელში წერს, „ალტერნატივა გერმანიისთვის“ ყველაზე ცნობილი პარტიაა გერმანიაში და ბიუროკრატები ახლა მის განადგურებას ცდილობენ.
„„ალტერნატივა გერმანიისთვის“ ყველაზე ცნობილი პარტიაა გერმანიაში და აღმოსავლეთ გერმანიის ყველაზე წარმომადგენლობითი პარტიაც კი. ახლა ბიუროკრატები მის განადგურებას ცდილობენ. დასავლეთმა ერთად დაანგრია ბერლინის კედელი და ის თავიდან ააშენა არა საბჭოთა კავშირმა ან რუსეთმა, არამედ გერმანიის ისტებლიშმენტმა“, – წერს ვენსი და აღნიშნულ საკითხზე აშშ-ის სახელმწიფო მდივნის, მარკო რუბიოს მიერ დაწერილ განცხადებას აზიარებს.
გერმანიაში პარტია „ალტერნატივა გერმანიისთვის“ მემარჯვენე ექსტრემისტულ ორგანიზაციად გამოაცხადეს. შესაბამისი გადაწყვეტილება კონსტიტუციის დაცვის ფედერალურმა ოფისმა მიიღო, რომელიც პარტიის საქმიანობას რამდენიმე თვის განმავლობაში სწავლობდა.
| სარეკლამო ადგილი - 11 650 x 60 |
