დავით ქართველიშვილი ტრამპისა და პუტინის საუბარზე: „აღარც ფიცი მწამს და აღარც ბოლო მაკვირვებს“ ესაა ჩემი კომენტარი ტრამპის კომენტარზე.
სარეკლამო ადგილი - 10
650 x 60
39 20 მაისი 2025, 10:07
პარტია „ხალხის ძალის“ წევრი დავით ქართველიშვილი დონალდ ტრამპსა და პუტინს შორის შემდგარ სატელეფონო საუბარს სოციალურ ქსელში ეხმიანება.

„გენიალური ამერიკული ფილმის „მარმოტის დღე“ („День сурка“) მახსენდება და მთავარი გმირის ცნობილი ფრაზა: „ეს ზამთარი იქნება ხანგრძლივი და არასდროს არ დასრულდება“- წერს ექსპერტი და აღნიშნავს, რომ საქართველო არ უნდა ენდოს დიდ, ცბიერ სახელმწიფოებს.

„აღარც ფიცი მწამს და აღარც ბოლო მაკვირვებს“ - ესაა ჩემი კომენტარი ტრამპის კომენტარზე, პუტინთან მისი ორსაათიანი საუბრის შინაარსზე კომენტირებისას. A plague o' both your houses! - მენტოკისა („დასავლეთი“) და კაპულეტის („რუსეთი“) ოჯახების მიმართ გამოყენებული უილიამ შექსპირის ეს ფრაზა, სასიკვდილოდ დაჭრილი მერკუციოს („უკრაინა“) მიერ თქმული, გახდა სიმბოლო იმ კონფლიქტების გაკიცხვისა, რომლებშიც უდანაშაულო ადამიანები იღუპებიან.

არაერთგზის უთქვამს თვით ტრამპს, რომ უკრაინის სასაკლაო იმის გამო გახდა შესაძლებელი, რომ აღმოსავლეთისკენ და რუსეთის საზღვრებისკენ სამხედრო საფრთხის არ გაფართოების პირობა დაარღვია დასავლეთმა. ამასთან ლოგიკაში როგორ მოდის ფინეთის NATO-ში გაწევრიანება, თუ რუმინეთში ახალი კოლოსალური ავიაბაზის მშენებლობის დაწყება ულტრათანამედროვე B-52 ამერიკული ბომბდამშენებისთვის - ტრამპის ოპტიმიზმთან, რომ პუტინთან არაჩვეულებრივი საუბარი შედგა - ყოვლად გაუგებარია.

გენიალური ამერიკული ფილმის „მარმოტის დღე“ („День сурка“) მახსენდება და
მთავარი გმირის ცნობილი ფრაზა: „ეს ზამთარი იქნება ხანგრძლივი და არასდროს არ დასრულდება“ - ოღონდ ომთან მიმართებით. თუმცა, იმავე ფილმს თუ დავესესხები, ერთხელაც ის „მარმოტის დღეც“ სრულდება და რა თქმა უნდა, ეს ომიც დასრულდება. უბრალოდ ჩვენ განსაკუთრებით, იმ ბედნიერ დღემდე არანაირი მოდუნების თუ ნდობის უფლება ჩვენზე გაცილებით უფრო ცბიერი და დაუნდობელი იმპერიალისტების მიმართ არ უნდა გვქონდეს“, - წერს დავით ქართველიშვილი სოციალურ ქსელში.
სარეკლამო ადგილი - 11
650 x 60
ჩვენისთანა პატარა ქვეყანა პირველ სამიზნეშია „დიფ სთეითის“ იმიტომ, რომ სწორედ პატარა ქვეყნის პოზიციებიდან ჩვენზე გაცილებით უფრო მძლავრ და დიდ ქვეყნებს ვაძლევთ მაგალითს, რომ „დიფ სთეითთან“ გამკლავება საჭიროა
გლობალისტები და "დიფ სთეითი" აშშ-ში ყველაფერს იმავე „ფერადი რევოლუციების“ შაბლონების მიხედვით აკეთებენ, რაც საქართველოსთვის ჰქონდათ მომზადებული
როცა დავით ქართველიშვილის წერილს ვკითხულობდი, ტრამპის სიტყვები გამახსენდა. მან თქვა, რომ კანადას აშშ მიიერთებს. თანაც, ისე მარტივად განაცხადა ეს გეგმა, თითქოს არც კი არსებობდეს კანადა, როგორც სუვერენული სახელმწიფო
ედიშერ გვენეტაძე თინა ბოკუჩავას ბრიფინგზე: ახლა უკვე კოლექტიური ფსკერიც კი გაუვარდათ ამ უბედურებს, ამიტომაც იქცნენ საბოლოოდ ფსკერგავარდნილ „ნაცებად“
შალვა პაპუაშვილი: ძალადობრივ ექსტრემიზმს ერთი სახე აქვს ლოს-ანჯელესშიც, ბერლინშიც, პარიზშიც და თბილისშიც. ნიღაბი ერთნაირად მალავს მოძალადეების სახეს, მოლოტოვის კოქტეილი ერთნაირად წვავს პოლიციელებს, მაშხალა აზიანებს ადამიანებს
არქივი