უკრაინის პრეზიდენტმა, ვოლოდიმირ ზელენსკიმ ხელი მოაწერა დოკუმენტებს დენის შმიგალის თავდაცვის მინისტრის თანამდებობაზე დანიშვნის შესახებ.

„დილით შეხვედრა გვქონდა დენის შმიგალთან კონკრეტულად თავდაცვის საკითხებზე. შევთანხმდით თავდაცვის სფეროს მართვის ახალ მიდგომებზე. თავდაცვის სამინისტროს მეტი გავლენა ექნება იარაღის წარმოების სფეროზე და უკრაინული იარაღი მეტი უნდა იყოს - მეტი ჩვენს მეომრებს“, - აღნიშნა ვოლოდიმირ ზელენსკიმ.

პრეზიდენტის განცხადებით, თავდაცვის სამინისტრო საერთაშორისო პარტნიორებთან არსებულ ყველა შეთანხმებას აუდიტს ჩაუტარებს.