ბაჩიაშვილს არავინ განიხილავდა პერსონად, მას განიხილავდნენ უფრო კომუნიკატორად და მისი ტექსტის უკან ივანიშვილს უფრო წაიკითხავდნენ. ამიტომ მე მის ამ ვერსიას მაინცდამაინც სანდოდ ვერ ვეკიდები, - განაცხადა პოლიტოლოგმა არჩილ გამზარდიამ „თანაინვესტირების ფონდის“ ყოფილი გენერალური დირექტორის, გიორგი ბაჩიაშვილის განცხადებასთან დაკავშირებით განაცხადა, რომ თითქოს ბიძინა ივანიშვილი მას ანტიდასავლური განცხადების გაკეთებას სთხოვდა.
გამზარდიასთვის უცნობია, ბაჩიაშვილის ანტიდასავლური პროპაგანდა ვის რაში შეიძლებოდა დასჭირვებოდა, ან რა შედეგი მოჰყვებოდა მის ამ ანტიდასავლურ პროპაგანდას.
„ბუნებრივია, ჩვენ არ ხელგვეწიფება, რაიმე ინფორმაცია ან მივიღოთ უნდობლად ან სანდოდ, იმიტომ რომ ჩვენ არ ვიცით. ჩვენ ვუსმენთ მხოლოდ მხარეს, რომელიც ლაპარაკობს და თავისთავად, ჩვენთვის შეუძლებელი იქნება ამ ყველაფერში სიმართლე ან ტყუილი გამოვადნოთ. ამიტომ, ამ თემაზე ლაპარაკი ძნელია. არ ვიცი, ბაჩიაშვილი საკმაოდ შეუმჩნეველი ფიგურა იყო და მისი ანტიდასავლური პროპაგანდა ვის რაში შეიძლებოდა დასჭირვებოდა, ან რა შედეგი მოჰყვებოდა მის ამ ანტიდასავლურ პროპაგანდას, ან პირიქით, ამის წინააღმდეგ წასვლას.
მეტიც, სანამ ბაჩიაშვილი ასოცირებული იყო ივანიშვილთან, მისგან ანტიდასავლური პროპაგანდა ბაჩიაშვილის პერსონას კი არ შეეხებოდა იმდენად, ბიძინა ივანიშვილს უფრო შეეხებოდა და კიდევ ერთხელ, საზოგადოება იტყოდა იმას, რომ, აი ივანიშვილი თავისი სანაცნობო სივრციდან, ყოფილი თუ არსებული პარტნიორებიდან ანტიდასავლურ პროპაგანდას ავრცელებს.
ანუ, ბაჩიაშვილს არავინ განიხილავდა პერსონად, მას განიხილავდნენ უფრო კომუნიკატორად და ამ შემთხვევაში მისი ტექსტის უკან ივანიშვილს უფრო წაიკითხავდნენ. ამიტომ, მე მის ამ ვერსიას მაინცდამაინც სანდოდ ვერ ვეკიდები. ბუნებრივია, კიდევ ერთხელ ხაზს ვუსვამ, რომ მე არ ვიცი ტყუილი და მართალი და მხოლოდ და მხოლოდ ინტუიციურად ვმსჯელობ. უბრალოდ ამ ნაწილში მე მაინცდამაინც სანდოდ ვერ ვუყურებ“, - განაცხადა გამზარდიამ.
| სარეკლამო ადგილი - 11 650 x 60 |
