390
20 აგვისტო 2025, 14:24
საპროცედურო საკითხთა და წესების კომიტეტის თავმჯდომარე დავით მათიკაშვილი სასამართლოს დამოუკიდებლობის შესახებ ევროკომისიის ანგარიშს გამოეხმაურა. დეპუტატი აღნიშნავს, რომ საქართველოს უკეთესი მაჩვენებელი აქვს, ვიდრე იმ ქვეყნებს, რომლებიც ე.წ. ვეტინგის შესახებ მოთხოვნას დათანხმდნენ და მაგალითად მოლდოვა მოიყვანა.
„ამ მოცემულობაში, როდესაც საქართველო არ დაემორჩილა ამ მოთხოვნას, სრულიად სამართლიანად, ავტორიტეტული საერთაშორისო ორგანიზაცია საქართველოს სასამართლოს სისტემას აძლევს მაღალ შეფასებას, ხოლო იმ ქვეყნების სასამართლო სისტემებს, სადაც ე.წ. ვეტინგი განხორციელდა საქართველოზე ბევრად ნაკლები შეფასება აქვთ. საერთოდ, არათუ გაუმჯობესებულია საქართველოში სასამართლოს დამოუკიდებლობა, ის კარდინალურად არის შეცვლილი 2013 წლიდან დღემდე და „ფრიდომ ჰაუსის“ მოხსენება ამის შესახებ ერთადერთი არ არის“, - აცხადებს მათიკაშვილი.
2013 წლიდან სასამართლოს სისტემის დამოუკიდებლობის გაუმჯობესებით საქართველო ევროპული ქვეყნების ხუთეულშია. ევროკომისიამ „ფრიდომ ჰაუსის“ 2025 წლის ანგარიშის ფარგლებში, სასამართლოს სისტემის დამოუკიდებლობის გლობალური შეფასება გამოაქვეყნა.
| სარეკლამო ადგილი - 11 650 x 60 |
