86
20 აგვისტო 2025, 19:49
საფრანგეთის პრეზიდენტი, ემანუელ მაკრონი ღაზაში დაგეგმილ ისრაელის სამხედრო ოპერაციას ეწინააღმდეგება.
მისი განცხადებით, ეს ნაბიჯი „მხოლოდ კატასტროფამდე მიიყვანს ორივე ხალხს“.
ამის ნაცვლად, მაკრონი მოუწოდებს მხარეებს მუდმივი ცეცხლის შეწყვეტის, მძევლების გათავისუფლების, „ჰამასის“ განიარაღებისა და ღაზის სექტორში „საერთაშორისო სტაბილიზაციის მისიის“ შექმნისკენ.
სოციალურ ქსელ X-ზე გამოქვეყნებულ პოსტში მაკრონი აცხადებს, რომ მან ისაუბრა იორდანიის მეფე აბდულა II-სა და ეგვიპტის პრეზიდენტ აბდელ ფათაჰ ელ-სისისთან.
სამივე ლიდერი თანხმდება, რომ ისრაელის მიერ ღაზაში სამხედრო მოქმედებების გაფართოება, რომელიც ღაზა-სითის დაპყრობით უნდა დაიწყოს, „მთელ რეგიონს მუდმივი ომის ციკლში ჩაითრევს“.
| სარეკლამო ადგილი - 11 650 x 60 |
