700 მლნ იქნება, მილიარდი, თუ 10 ათასი - გაუმჭვირვალე თანხა, გრანტი, რომელიც არ არის შეთანხმებული სახელმწიფოსთან და მთვრობასთან, საქართველოში ვეღარ შემოვა, - განაცხადა „ხალხის ძალის“ წევრმა, დავით ქართველიშვილმა „ფარას“ კანონზე საუბრისას გადაცემაში „არჩევანის პირისპირ“.
მისივე თქმით, კანონმდებლობის შედეგად შეიქმნა ეროვნული, ქართული სისტემა, რომელიც მწყობრად მუშაობს. მან ჩამოთვალა ყველა ის უწყება, რომლებიც „ფარას“ კანონიდან გამომდინარე კოორდინირებულად მუშაობენ.
„ყველა ორგანო მუშაობს იმაზე, რომ რასაც ადგილი ჰქონდა წლების განმავლობაში, ასე აღარ იქნება. 10მდე მსხვილ არასამთავრობო ორგანიზაციის საბანკო ანგარიშს ყადაღა დაედო და ფაქტობრივად, ისინი გაკოტრების პირას არიან მისულები. ნაწილმა მოასწრო და ფილიალები შექმნა ისეთ ქვეყნებში, როგორიც არის მოლდოვა, პოლონეთი, ესტნეთი და როგორც ჩანს, ყველა ტექნიკური დეტალი არ ვიცით, მაგრამ სწორედ ამ ფილიალების მეშვეობით ხდებოდა ქეშის შემოტანა, ავტომანქანებით საქართველოში, მაგრამ კიდევ ერთხელ ვამბობ, სისტემა ამუშავდა კომპლექსურად, სინქრონულად. 4 ოქტომბრის რაღაც ამ დაპირებული, დაანონსებული არეულობისა და გადატრიალების წინ პირველ რიგში, ჩვენ მათ დავანახეთ“, - განაცხადა ქართველიშვილმა.
| სარეკლამო ადგილი - 11 650 x 60 |
