75
23 სექტემბერი 2025, 23:23
უკრაინა, ევროკავშირის მხარდაჭერით, იმ მდგომარეობაშია, რომ იბრძოლოს და დაიბრუნოს მთელი უკრაინა პირვანდელი სახით, - განაცხადა აშშ-ის პრეზიდენტმა, დონალდ ტრამპმა.
„უკრაინისა და რუსეთის სამხედრო და ეკონომიკური მდგომარეობის სრულად გაცნობისა და გააზრების, ასევე იმ ეკონომიკური პრობლემების დანახვის შემდეგ, რასაც ეს ომი რუსეთს უქმნის, ვფიქრობ, უკრაინა, ევროკავშირის მხარდაჭერით, იმ მდგომარეობაშია, რომ იბრძოლოს და დაიბრუნოს მთელი უკრაინა პირვანდელი სახით. დროის, მოთმინების, ევროპის და, განსაკუთრებით, ნატოს ფინანსური მხარდაჭერით, იმ თავდაპირველი საზღვრების დაბრუნება, საიდანაც ეს ომი დაიწყო, სავსებით რეალური ვარიანტია. რატომაც არა? რუსეთი უმიზნოდ იბრძვის უკვე სამნახევარი წელია - ომი, რომლის მოგებასაც ნამდვილ სამხედრო ძალას ერთ კვირაზე ნაკლები დასჭირდებოდა. ეს რუსეთს არ გამოარჩევს. პირიქით, ეს მას „ქაღალდის ვეფხვს“ ამსგავსებს“, - აღნიშნა აშშ-ის პრეზიდენტმა.
„როდესაც მოსკოვში და მთელი რუსეთის სხვა დიდ ქალაქებში, დაბებსა და რაიონებში მცხოვრები ხალხი გაიგებს, რა ხდება სინამდვილეში ამ ომთან დაკავშირებით, იმ ფაქტს, რომ მათთვის თითქმის შეუძლებელია ბენზინის მიღება იმ გრძელი რიგების გამო, რომლებიც დგება, და ყველა იმ სხვა მოვლენის შესახებ, რაც მათ ომის ეკონომიკაში ხდება, სადაც მათი ფულის უმეტესი ნაწილი უკრაინასთან ბრძოლაზე იხარჯება, რომელსაც დიდი სულისკვეთება აქვს და მხოლოდ უმჯობესდება, უკრაინა შეძლებს დაიბრუნოს თავისი ქვეყანა თავდაპირველი ფორმით და, ვინ იცის, იქნებ უფრო შორსაც წავიდეს! პუტინს და რუსეთს დიდი ეკონომიკური პრობლემები აქვთ და ეს არის დრო, როცა უკრაინამ უნდა იმოქმედოს. ნებისმიერ შემთხვევაში, ორივე ქვეყანას წარმატებას ვუსურვებ. ჩვენ გავაგრძელებთ იარაღის მიწოდებას ნატოსთვის, რათა მათ ისე გამოიყენონ, როგორც თავად სურთ“, - დასძინა მან.
| სარეკლამო ადგილი - 11 650 x 60 |
