ანალიტიკოსი გია აბაშიძე სოციალურ ქსელში, ბიძინა ივანიშვილის დღეს გავრცელებულ მიმართვას გამოეხმაურა და აღნიშნა, რომ „ქართული ოცნების“ მიერ „ნაცბარბაროსულ რეჟიმზე“ გამარჯვებიდან 13 წლის შემდეგ კვლავაც აქტუალურია ის წინაღობები, რასაც ქმნის ყოფილი ხელისუფლება და მისი უცხოელი მფარველები.
მისივე შეფასებით, ყველას სურს სწრაფი და პოზიტიური შედეგები, თუმცა აუცილებელია გაითვალისწინოს რთული საგარეო კონიუნქტურა და ის გააფთრებული ბრძოლა, რომელიც „ურჩ საქართველოს“ გამოუცხადეს.
„ქართული ოცნების“ ნაცბარბაროსობაზე გამარჯვების 13 წლის შემდეგ, კვლავაც აქტუალურია ის წინაღობები, რასაც გვიქმნიან ყოფილი რეჟიმი, მისი უცხოელი მეთოჯინეები და რაზეც პასუხობს „ქართული ოცნების“ დამფუძნებელი თავის მიმართვაში.
თვითმყოფადი და სუვერენული საქართველოსთვის ურთულესია მძლავრ ბოროტებასთან, „დიფ სთეითთან“, მის მრავალ საცეცთან გამკლავება, მაგრამ ვახერხებთ ერთობით და უმაღლესი პასუხისმგებლობით. ყველას გვსურს სწრაფი დადებითი შედეგები, თუმცა გასათვალისწინებელია კომპლექსური საგარეო კონიუნქტურა და ის გააფთრებული ბრძოლა, რაც „ურჩ“ საქართველოს გამოუცხადეს. ამ ყველაფრის მიუხედავად, მშვიდობიანი განვითარების კურსზე ორიენტირებული, შეუვალი პატრიოტული „ქართული ოცნების“ გუნდი საზოგადოების უდიდესი მხარდაჭერით ამას ახორციელებს და შეუჩერებელი იქნება ეროვნული ინტერესების დაცვაში.
ბიძინა ივანიშვილის განცხადების რამდენიმე ყურადსაღები აქცენტებიდან გამოვყოფდი ერთს - ძალების მცდელობების მიუხედავად რომ დაიმორჩილონ საქართველო, საზოგადოების ცნობიერება იმდენად ამაღლდა, რომ დახვეწილი ავაზაკობითაც ვერ ხელყოფენ ჩვენს თავისუფლებას.
ხაზგასასმელია, რომ მმართველი გუნდის მთავარი მონაპოვარია, რომ ისწავლა მოვლენებისა და ფაქტების სწორად შეფასების უნარი, ხოლო, ხელისუფლებასთან ერთად, საზოგადოებაც გაიზარდა, რომელიც შესანიშნავად ახერხებს სწორ ანალიზს.
რასაკვირველია, გარე დაკვეთით იყო შიდა ღალატის, საბოტაჟისა და ქვეყნის მტრობის უპრეცედენტო ფაქტები, თუმცა ვერანაირად შეარყიეს საქართველოს სწორხაზოვანი მშვიდობიანი განვითარების გეზი.
წინ უამრავი გამოწვევა და სირთულე გვაქვს, თუმცა ერთობითა და გონივრული მიდგომებით, ერი და ბერი უკუვაგდებთ ჩასაფრებულ ნეოკოლონიალისტებსა და მათ არამზადა ფინიებს.
„ქართული ოცნების“ საპატიო თავმჯდომარემ, ბიძინა ივანიშვილმა მართებულად აღნიშნა:
„საზოგადოებასთან ერთად, წარმატებით გავანეიტრალეთ თავსმოხვეული ფსევდოლიბერალური იდეოლოგია, რომელიც დამნაშავე რეჟიმს დემოკრატიის შუქურად წარმოაჩენდა, ხოლო, ჭეშმარიტად დემოკრატიულ ხელისუფლებას დიქტატურას უწოდებს. დღეს ჩვენ აღარ გვეშლება ხარისხობრივი შეფასება იმისა, თუ ვინ მეგობარია და ვინ - მტერი. კარგად გავაანალიზეთ, რომ არც ერთი უცხო ძალა ჩვენს დასახმარებლად არ იღვწის, ყველას საკუთარი ინტერესები და სურვილები ამოძრავებს.
ცხადია, არავისთან პარტნიორობაზე უარს არ ვამბობთ, თუმცა, ეს არ უნდა მოხდეს ჩვენი ქვეყნის სუვერენიტეტის დასუსტების და საქართველოს გამოყენების ხარჯზე. მტკიცედ ვდგავართ პოზიციაზე, რომ პარტნიორობა და მეგობრობა უნდა იყოს ორმხრივი“, - წერს აბაშიძე.
| სარეკლამო ადგილი - 11 650 x 60 |
