რაც შეეხება ორი ბიულეტენის გაცემას, მე მინდა დავამშვიდო ამომრჩევლები, რომ ხმის მთვლელი აპარატი ფიზიკურად ორ ბიულეტენს ვერ მიიღებს, განაცხადა ცესკოს პრესსპიკერმა ნათია იოსელიანმა.

საკითხზე მან ცესკო-ში კენჭისყრის მიმდინარეობასთან დაკავშირებით გამართულ საინფორმაციო ბრიფინგზე ისაუბრა.

„შესაძლებელია იყოს გადაცდომა, 2 ბიულეტენი იყოს გაცემული, მაგრამ საუბნო საარჩევნო კომისიის თავმჯდომარეები აუცილებლად მოახდენენ რეაგირებას ამ საკითხთან დაკავშირებით, დაიწერება ახსნა-განმარტებები, მაგრამ რაც ყველაზე მთავარია, ფიზიკურად ხმის მთვლელ აპარატს არ აქვს შესაძლებლობა ერთზე მეტი ბიულეტენი მიიღოს“, - განაცხადა იოსელიანმა.