268
12 ნოემბერი 2025, 17:09
გიორგი გამსახურდია, ევროკავშირის ელჩის, პაველ ჰერჩინსკის განცხადებას, რომელმაც აღნიშნა, რომ ევროკავშირის გაფართოების გზაზე, უკრაინაც და მოლდოვაც გაცილებით წინ არიან საქართველოზე, X-ზე ეხმიანება.
მისი თქმით, ელჩის განცხადება საზოგადოებისთვის თვალში ნაცრის შეყრაა და მიუხედავად იმისა, რომ ჰერჩინსკიმ კარგად იცის, სიცრუეს ტირაჟირებს, მაინც ბრიუსელის ცალკეული პოლიტიკური და ლიბერალური წრეებიდან მიღებულ დავალებას ახმოვანებს.
„ეს არის თვალში ნაცრის შეყრა, ქართულ საზოგადოებაზე და მთლიანად სამყაროზე. ძალიან კარგად იცის ბატონმა ელჩმა, რომ სიცრუეს ტირაჟირებს, მაგრამ რა დავალებაც აქვს ბრიუსელის ცალკეული პოლიტიკური, ლიბერალური წრეებიდან, იმას ახმოვანებს. გავმართოთ საჯარო დისკუსია და მიიღოს ელჩმა ჰერჩინსკიმაც მონაწილეობა, თუ რა პარამეტრებით გვისწრებენ მოლდოვა და უკრაინა წინ, მაგრამ არ მგონია ამ ყველაფერზე თანხმობა მისცენ ბატონ ელჩს დამკვეთებმა.“ - წერს გიორგი გამსახურდია X-ზე.
| სარეკლამო ადგილი - 11 650 x 60 |
