როდესაც ასეთ სკანდალურ ინფორმაციას ავრცელებს რომელიმე ქვეყნის ოფიციალური წარმომადგენელი, ამას სჭირდება არგუმენტები, სჭირდება კონკრეტული მტკიცებულება. ეს არის პირდაპირ მიმართული პროვოკაცია, რომლის მსგავსი არაერთი გვინახავს უკრაინის ოფიციალური პირებისა და სახელმწიფო ინსტიტუტების მხრიდან, - განაცხადა „ხალხის ძალის“ დეპუტატმა, ზურაბ ქადაგიძემ ჟურნალისტებთან საუბრისას.
მისივე შეფასებით, უკრაინის დღევანდელი ხელისუფლება არის ერთ-ერთი შემადგენელი კომპონენტი იმ გლობალური, ბოროტი კონიუნქტურშიკების, რომლებიც ცდილობენ საქართველოს დაზიანებას.
„საქართველოს ედავებოდნენ შავ ხვრელებს, რუსეთთან თანამშრომლობას, ცდილობდნენ ქვეყნის რეპუტაციის დაზიანებას, თუმცა ვერ შეძლეს.
უკრაინის დღევანდელი ხელისუფლება არის ერთ-ერთი შემადგენელი კომპონენტი იმ გლობალური, ბოროტი კონიუნქტურშიკების, რომლებიც ცდილობენ საქართველოს დაზიანებას. ასე, უტყუარი არგუმენტებისა და მტკიცებულებების გარეშე სახელმწიფოს დადანაშაულება არის მავნებლობა. საქართველოს არავისთან თავი სამართებელი არ აქვს. საქართველო მიჰყვება ყველა საერთაშორისო შეთანხმებას და ერთ-ერთი მოწინავე ქვეყანაა უსაფრთხოების მიმართულებით გადადგმულ სერიოზულ ნაბიჯებში. ეს განცხადება მიმართულია ქართული პოლიტიკის შიდა მოხმარებისთვის, რომ როგორმე რადიკალურ ჯგუფებსა და რადიკალურ მედიაპლატფორმებს მიეცეთ შესაძლებლობა, გაავრცელონ ნარატივი, თითქოს „საქართველო ოკუპანტ ქვეყანასთან თანამშრომლობს“, - განაცხადა ქადაგიძემ.
| სარეკლამო ადგილი - 11 650 x 60 |
