„ალდე“ გახლავთ ერთ-ერთი პოლიტიკური გაერთიანება, რომელშიც სხვადასხვა ქვეყნის პოლიტიკური ძალები არიან გაერთიანებული და ზოგიერთ ქვეყანაში ხელისუფლებაშიც არის „ალდეს“ წარმომადგენელი, - განაცხადა საქართველოს პარლამენტის თავმჯდომარემ შალვა პაპუაშვილმა ალეკო ელისაშვილზე საუბრისას.
მისივე თქმით, „ალდესგან“ და ევროპული ძალებისგან ქართველი ხალხი ითხოვს და მოელის პასუხს კითხვაზე - ტერორიზმი არის თუ არა ევროპული ღირებულება.
„თუკი ადამიანს, რომელმაც აღიარა ტერორისტული აქტის ჩადენა, საკუთარი პარტია არ ემიჯნება, ე.ი. ეს პარტია არის ტერორიზმის მფარველი პარტია.
დაველოდებით ორშაბათამდე და თუ ელისაშვილს პარტიიდან არ გარიცხავენ, ორშაბათიდან როგორც მოქალაქეები, ისე „ძლიერი საქართველოს“ გაერთიანება და „ალდე“ ჩემს რიტორიკაში მოხსენიებული იქნებიან როგორც ტერორისტის მფარველები. ყოველ განცხადებაზე ამას შევახსენებთ, რომ არიან ტერორისტების მფარველი ორგანიზაცია“, - აღნიშნა შალვა პაპუაშვილმა.
| სარეკლამო ადგილი - 11 650 x 60 |
