აშშ-ის პრეზიდენტმა, დონალდ ტრამპმა თავის სოციალურ ქსელ Truth Social-ზე გამოცემა New York Post-ის სტატია გააზიარა სათაურით „უუნარო ევროპელებს მხოლოდ ქოთქოთი შეუძლიათ, მაშინ როცა ტრამპი სრულიად სამართლიანად აშორებს მათ უკრაინის საკითხს“.
სტატიაში აღნიშნულია, რომ „ევროპელებს ურჩევნიათ გარისკონ ომი პუტინის პირობებით, ვიდრე მშვიდობა ტრამპის პირობებით“.
„ევროპელები არიან პაციფისტები, რომლებსაც ომის გახანგრძლივება სურთ, მეომრები, რომლებსაც ხმლები არ აქვთ, სტრატეგები, რომლებსაც წარმოდგენა არ აქვთ არაფერზე და მოკავშირეები, რომლებიც შეთქმულებას აწყობენ და დასცინიან თავიანთ ამერიკელ მფარველს, როცა ეს უკანასკნელი ცდილობს დაასრულოს ომი, რომლის დაწყებასაც მათ ამპარტავნებამ შეუწყო ხელი“, - ნათქვამია სტატიაში.
სტატიის ავტორი ხაზგასმით აღნიშნავს, რომ „ევროპის მიერ ტრამპის შეთანხმებისთვის ხელის შეშლა პუტინისთვის საჩუქარია“.
| სარეკლამო ადგილი - 11 650 x 60 |
