ევროკომისიამ ლიეტუვასგან განმარტებები მოითხოვა კანონმდებლობაში შესატანი იმ ცვლილებების შინაარსთან დაკავშირებით, რომლებიც გაამარტივებს საზოგადოებრივი მაუწყებლის (LRT) ხელმძღვანელის შეცვლას - ამ ცვლილებამ ლიეტუვაში უკვე გამოიწვია მასობრივი პროტესტი.

11 დეკემბერს ევროკომისიამ მიმართა ლიეტუვის კულტურის სამინისტროს, რათა მიეღო განმარტებები მედიის თავისუფლების შესახებ ევროპული კანონის (EMFA) დებულებების შესრულების თაობაზე.

9 დეკემბერს, სეიმის წინ, კანონპროექტის წინააღმდეგ 10 ათასამდე ადამიანი - ჟურნალისტები და სხვა მოქალაქეები - გამოვიდა, რომლებიც ხედავენ საზოგადოებრივი მაუწყებლის დამოუკიდებლობისთვის საფრთხეს ცვლილებების დამტკიცების შემთხვევაში.