„ფედერალისტების“ ლიდერი თამარ ჩერგოლეიშვილი „ნაციონალური მოძრაობის“ წევრის, მურთაზ ზოდელავას მიერ დღევანდელ სასამართლო პროცესზე გაკეთებულ განცხადებას ეხმაურება.

კერძოდ, ჩერგოლეიშვილი აზიარებს მურთაზ ზოდელავას განცხადების იმ ნაწილს, სადაც ზოდელავა ამბობს, რომ „4 ოქტომბრის აქცია იყო სპონტანური, გულწრფელი, იყო კრეატიული მესიჯები და მოვიდა ბევრი ადამიანი“.

„ამ „კრეატივის“ სიმართლით იაროს მიშა სააკაშვილმა!

„თბილისის აგდებას რა უნდა“

– ეფესბეს შნირის, ვალერი გელბახიანის კრეატივზე უკეთესი არაფერი ეღირსოს სააკაშვილს და ყველა მის მოკავშირეს.

სინამდვილეში კრეატიული მესიჯები კი არ იყო გავრცელებული:

– ხაზარაძე და სააკაშვილი გარიგდა ერთმანეთში „თავდაუსხმელობაზე“;

– იყიდეს ეგ „კრეატიული“ დღის წესრიგი ოლიგარქიული ტელეკანტორებით და დაბლოკეს კრიტიკა! (ორთვიანი „მოდელირებული ქრონიკა“ გიზგიზებდა ოპო არხებზე);

– ტელემედიების მეშვეობით დისკრედიტაცია გაუკეთეს დემოკრატიულ პროცესს (რვიანი არა ცხრიანი, რა დროს სეირნობაა, ვისაც 4 ოქტომბრის დამხობის არ სჯერა, ქოცია), რადგან ვერც ხაზარაძე და ვერც სააკაშვილი დემოკრატიულ პროცესში თავს ვერ პოულობენ – ან ყველაფერი, ან არაფერი პრინციპით მოქმედებენ;

– ტელემედიიის და ინტერნეტტროლების მეშვეობით ჯოგად აქციეს ოპო პარტიები – გააჩუმეს ისინიც, ვინც სიგიჟედ თვლიდა ამ ავანტიურას (გამონაკლისები წესს ვადასტურებთ);

შედეგად, 70-მდე ადამიანი არის ციხეში და ოპოზიცია იმაზე დებილად და სუსტად ჩანს დასავლეთში, ვიდრე 4 ოქტომბრამდე ჩანდა“, – წერს თამარ ჩერგოლეიშვილი.