"ნაციონალური მოძრაობის“ წევრი დიმიტრი შაშკინი სოციალურ ქსელში ფოტოს აქვეყნებს, „ქართული ოცნების“ მაჟორიტარი დეპუტატი კახა ოქრიაშვილი ყოფილ შს მინისტრთან ვანო მერაბიშვილთან ერთად არის გადაღებული.
PSP-ს სააფთიაქო ქსელის გენერალური დირექტორი კახა ოქრიაშვილი 2004 წლიდან არის დმანისის მაჟორიტარი დეპუტატი, ის ოთხი მოწვევის პარლამენტარია. ორჯერ "ნაციონალური მოძრაობიდან, "ორჯერ "ქართული ოცნებიდან".
2012 წელს, როცა "ქართული ოცნება" უმრავლესობით შევიდა პარლამენტში, კახა ოქრიაშვილმა "ნაციონალური მოძრაობა" მიატოვა, ჯერ დამოუკიდებელი დეპუტატის სტატუსი ჰქონდა, ხოლო შემდეგ "ქართულ ოცნებას" შეუერთდა, შედეგად, ის 2016 წელს მეოთხედ მოხვდა პარლამენტში "ქართული ოცნების" მხარდაჭერით.
ცოტა ხნის წინ, 10 აგვისტოს მან დატოვა მმართველი პარტია, მას შემდეგ, რაც უთხრეს, რომ "ქართული ოცნება" დმანისის გაერთიანებული ოლქის დეპუტატობის კანდიდატად გოგი მეშველიანს წარადგენდა.
ოქრიაშვილმა ბიზნესმენ ცეზარ ჩოჩელთან ერთად ახალი პარტია — „პროგრესი და თავისუფლება“ დააარსა და გოგი მეშველიანის კონკურენტი იქნება.
| სარეკლამო ადგილი - 11 650 x 60 |
