1065
02 ნოემბერი 2020, 14:23
ბუნდესტაგის მრჩეველმა, სონია შიფერსმა Twitter-ის საკუთარ გვერდზე მიხეილ სააკაშვილის მიმართვა გამოაქვეყნა და დაწერა, რომ ყოფილი პრეზიდენტის განაცხადი „რეალობის სრულ დაკარგვაზე მეტყველებს“.
„დამკვირვებლების მიერ აღმოჩენილი დარღვევების გამართლება არ არსებობს, თუმცა წინამდებარე განაცხადი რეალობის სრულ დაკარგვაზე მეტყველებს. საქართველო არც ბელარუსია და არც რუსეთი. ამგვარი დამოკიდებულება საქართველოს დემოკრატიას განა აძლიერებს, პირიქით - საფრთხეს უქმნის“, - წერს ბუნდესტაგის მრჩეველი.
საქართველოს ყოფილმა პრეზიდენტმა, მიხეილ სააკაშვილმა ოპოზიციას „ხმების დასაცავად მობილიზაციისკენ“ მოუწოდა და საქართველოს ხელისუფლება ბელარუსსა და რუსეთს შეადარა. „დილიდან მასობრივ მობილიზაციას ვაცხადებთ. ივანიშვილს არ მივცემთ ქართველი ხალხის ხმების მოპარვის საშუალებას“, - განაცხადა მან.
| სარეკლამო ადგილი - 11 650 x 60 |
