937
18 დეკემბერი 2019, 17:12
15 წლის მოზარდის გარდაცვალების გამო, საქართველოს ეროვნულმა ოლიმპიურმა კომიტეტმა წინასაახალწლო დაჯილდოების ცერემონია გადადო.
"არასრულწლოვანი მოზარდის ლუკა სირაძის ტრაგიკულად დაღუპვის გამო, სეოკ-მა მიიღო გადაწყვეტილება 2019 წლის დაჯილდოების ცერემონიის გადადადების შესახებ. საქართველოს ეროვნული ოლიმპიური კომიტეტი ღრმა მწუხარებას გამოთქვამს და თანაგრძნობას უცხადებს ლუკას ოჯახსა და ახლობლებს", - განაცხადა ოლიმპიური კომიტეტის პრეზიდენტმა ლერი ხაბელოვმა.
საქართველოს ეროვნული ოლიმპიური კომიტეტის საანგარიშო სესია შედგა, სადაც სეოკ-ის პრეზიდენტმა ლერი ხაბელოვმა სპორტული წელი შეაჯამა.
ტოკიოს 2020 წლის ოლიმპიური თამაშებისთვის მზადების შესახებ სესიის დელეგატებს ინფორმაცია წარუდგენა სეოკ-ის პირველი ვიცე-პრეზიდენტმა, ტოკიო-2020-ზე ოლიმპიური მისიის ხელმძღვანელი ელგუჯა ბერიშვილმა.
| სარეკლამო ადგილი - 11 650 x 60 |
