მიხეილ სააკაშვილი „ნაციონალური მოძრაობის“ არჩეულ საკრებულოს წევრებს მიმართავს. განცხადებაში, რომელიც ყოფილი პრეზიდენტის Facebook-ზე გამოქვეყნდა, აღნიშნულია, რომ საკრებულოების წევრებმა მეტი დრო უნდა გაატარონ მოსახლეობასთან და ამასთან მასობრივი პროტესტის ორგანიზებას შეუწყონ ხელი, რომლის მიზანიც რიგგარეშე საპარლამენტო არჩევნების მიღწევა უნდა იყოს.
ამასთან, სააკაშვილი პარტიის წევრებს მოუწოდებს, სხვა ოპოზიციურ ჯგუფებთან და საზოგადოებრივ ორგანიზაციებთან ითანამშრომლონ.
„ჩვენი უახლოესი საბოლოო მიზანია ყველა ტრიბუნის გამოყენებით მასობრივი პროტესტის დაორგანიზება. თბილისსა და სხვა ქალაქებში, ყველგან, ადგილზე უსამართლობის დაბლოკვა და პარლამენტის რიგგარეშე არჩევნების მიღწევა, რაც ხელისუფლების შეცვლას გარდაუვლად გამოიწვევს. რა თქმა უნდა, ამას ყველაფერს ყოველდღიური მომზადება სჭირდება. როგორც პარტიის ცენტრალურ რგოლში მოხდა ცვლილებები, ასევე ადგილზე გადაჯგუფება, ახალი ხალხის მოზიდვა და ნიჰილიზმის დამარცხება“, - წერს სააკაშვილი.
| სარეკლამო ადგილი - 11 650 x 60 |
