758
25 თებერვალი 2022, 15:07
"დამანგრეველი სანქციებიც" როგორ აღშფოთებასავით სასაცილო ცოდნიათ. დღეს ევროპამაც და ამერიკამაც თავის უსუსური სახე აჩვენა. ესე იგი რა გამოვიდა, შოიგუს და ზახაროვას ყავის სმის და შოპინგის აკრძალვის გარდა, არანაირი ქმედითი პოლიტიკის გატარების შესაძლებლობა არ აქვთ რუსეთის წინააღმდეგ?!’’ - ასე ეხმიანება ექსპერტი ანდრია გვიდიანი დასავლეთის მხრიდან რუსეთის წინააღმდეგ დაწესებულ სანქციებს.
როგორც გვიდიანი სოციალურ ქსელში წერს, თავის დროზე, ევროპას ფხა რომ გამოეჩინა, დღეს ამის მეასედ თავხედობას ვერ გაბედავდა რუსეთი.
"დამანგრეველი სანქციებიც" როგორ აღშფოთებასავით სასაცილო ცოდნიათ. დღეს ევროპამაც და ამერიკამაც თავის უსუსური სახე აჩვენა. ესეიგი რა გამოვიდა, შოიგუს და ზახაროვას ყავის სმის და შოპინგის აკრძალვის გარდა, არანაირი ქმედითი პოლიტიკის გატარების შესაძლებლობა არ აქვთ რუსეთის წინააღმდეგ?!
30 წელია ხო ღიაა ნატოს კარი? 30 წელია ხო ვერც ერთი ეფექტური ნაბიჯი ვერ გადადგა ევროპამ? 30 წელია ხო ერთი ადგილის თამაშის მეტი არაფერი უქნია დასავლეთს? ხოდა ამასობაში დასავლეთის უსუსტესი პოლიტიკის შედეგად, თვალსა და ხელს შუა რუსეთისგან ისეთი ურჩხული ჩამოყალიბდა, რომელიც უკვე ევროპის უსაფრთხოებას ემუქრება.
თავის დროზე, ევროპას ფხა რომ გამოეჩინა, დღეს ამის მეასედ თავხედობას ვერ გაბედავდა რუსეთი. 2008-ში ხო აღშფოთდნენ, 2014-ში ხო შეშფოთდნენ და 2022-ში კიევი კი არა, ევროპას ისიც არ უნდა გაუკვირდეს, ბერლინს რომ მიუკაკუნოს პუტინმა.
ქართველი და უკრაინელი ხალხი დაიღალა დასავლეთის სამარცხვინო ცეკვა-თამაშით. რა გამოდის?! 2008 წელი იყო და რუსეთთან გვაომეს. რატომ დაიღვარა მაშინ სისხლი? რა მიიღო მსოფლიო უსაფრთხოებამ, ან რა მივიღეთ ჩვენ?! ახლაც იგივე ხდება, ოღონდ უკრაინაში. საზარბაზნე ხორცად შეატოვეს უკრაინა პუტინს. ადრე თუ გვიან ეს კითხვები აუცილებლად დაისმება და პასუხების გაცემა არცთუ ისე მარტივი იქნება.
P.S. ღმერთმა გააძლიეროს უკრაინა,‘’ - წერს facebook - ზე გვიდიანი.
| სარეკლამო ადგილი - 11 650 x 60 |
