სააკაშვილის მარიონეტებს ვურჩევ - ჯერ ბაზისური განათლება მიიღონ, შემდეგ ისწავლონ ტირანიის, ავტორიტარიზმის სრული განსაზღვრებები, - ასე გამოეხმაურა ანალიტიკოსი გია აბაშიძე ბაკურიანში შეკრების მიზეზის შესახებ გაკეთებულ განმარტებას.
„ნაცსექტის ერთ-ერთი განშტოება, ფსევდო-NGO აცხადებს, რომ "ხელისუფლების გავლენის ქვეშ მყოფი მედიების მიერ ვრცელდება ყალბი ინფორმაცია, იმასთან დაკავშირებით, თითქოს გასულ კვირას, სახელმწიფო გადატრიალების დასაგეგმად ფართო შეხვედრა გაიმართა ბაკურიანში". იმავე განცხადებაში, ლოგიკასთან მწყრალად მყოფნი წერენ შემდეგს: საქართველოში ავტორიტარიზმის დამარცხება უნდა მოხდეს დემოკრატიული პროცესით და არაძალადობრივი წინააღმდეგობით. პიტერ აკერმანი, რომელიც ამ შეხვედრაში მონაწილეობდა და საინტერესო გამოცდილება და ცოდნა გაგვიზიარა, წარმოადგენს არაძალადობრივი კონფლიქტების საერთაშორისო ცენტრს, რომელიც არამხოლოდ იზიარებს, არამედ ავრცელებს ტირანიებისა და ავტორიტარიზმის წინააღმდეგ არაძალადობრივად ბრძოლის ფილოსოფიას.
სააკაშვილის მარიონეტებს ვურჩევ - ჯერ ბაზისური განათლება მიიღონ, შემდეგ ისწავლონ ტირანიის, ავტორიტარიზმის სრული განსაზღვრებები. ე.წ. ტირანია საქართველოში რომ იყოს, ვერცერთ მედიასაშუალებაში მიმოაფრქვევდნენ ამდენ ბოროტ დეზინფორმაციას, რაც ჭარბადაა საქართველოში. ჭკუვა უხმარ არს ბრიყვთათვის, ჭკვა ცოდნით მოიხმარების! (დავით გურამიშვილი)“ - წერს გია აბაშიძე Facebook-ზე.
| სარეკლამო ადგილი - 11 650 x 60 |
