„ნაცების" ერთ-ერთ სატელიტ NGO-ს მიერ ორგანიზებულ ღონისძიებაზე, ევროპაში აშშ-ის სახმელეთო ჯარების ყოფილმა მეთაურმა, გენერალმა ბენ ჰოჯესმა გაიმეორა გახუნებული „ნაცმესიჯბოქსი“. როცა იციან პენსიონერების ამგვარი გზავნილები, მაგიტომაც იწვევენ სააკაშვილის ომის პარტიის მარიონეტთა ღონისძიებებზე, - ასე გამოეხმაურა ანალიტიკოსი გია აბაშიძე ევროპაში აშშ-ის სახმელეთო ჯარების ყოფილი მეთაურის, გენერალ ბენ ჰოჯესის განცხადებას.

ანალიტიკოსი აღნიშნავს, რომ არ უნდა ვენდოთ ჰოჯესის მცდარ „პროგნოზებს" უკრაინაში ომთან დაკავშირებით.

„საქართველოს პოლიტიკური კურსის შემფასებლებში უცხოელი მოქმედი მაღალჩინოსნების სიტყვა უფრო წონადია, ვიდრე მიკერძოებული ყოფილების. გავაკეთოთ მარტივი შედარება: „ნაცების" ერთ-ერთ სატელიტ NGO-ს [ეკონომიკური პოლიტიკის კვლევის ცენტრი] მიერ ორგანიზებულ ღონისძიებაზე, ევროპაში აშშ-ის სახმელეთო ჯარების ყოფილმა მეთაურმა, გენერალმა ბენ ჰოჯესმა გაიმეორა გახუნებული „ნაცმესიჯბოქსი“: „არ მესმის, რატომ აკავშირებს საქართველოს მთავრობა საკუთარ თავს კრემლთან."

როცა იციან პენსიონერების ამგვარი გზავნილები, მაგიტომაც იწვევენ სააკაშვილის ომის პარტიის მარიონეტთა ღონისძიებებზე. ცნობისთვის, არ ენდოთ ჰოჯესის მცდარ „პროგნოზებს" უკრაინაში ომთან დაკავშირებით. უმჯობესია ბრიტანეთის თავდაცვის სამინისტროს რეგულარულ ღია ანგარიშებს ანდა დასავლეთის სხვა გავლენიან ანალიტიკურ ცენტრებს დაეყრდნოთ.

გასული წლის დეკემბერში, თბილისში იმყოფებოდა აშშ-ის ევროპული სარდლობის მეთაური, გენერალი კრისტოფერ კავოლი. ვიზიტისას მან აღნიშნა: ჩვენთვის მნიშვნელოვანია, რომ საქართველომ შეძლოს დამოუკიდებლობის, სუვერენიტეტის, ტერიტორიული მთლიანობის დაცვა და, რაც ყველაზე მნიშვნელოვანია, შეძლოს მშვიდობის შენარჩუნება, მშვიდობისა და ერთიანობის აქ და რეგიონში. ასე რომ, ეს გახლდათ ჩვენი შეხვედრის მიზანი, სამხედრო სფეროში ჩვენი თანამშრომლობის განხილვა, რომელიც შესანიშნავად მიმდინარეობს.“- წერს აბაშიძე Facebook-ზე.