478
16 ივნისი 2023, 19:02
ექსპერტი ნინო ფოჩხუა „მაკდონალდს საქართველოს“ მიერ ელტონ ჯონის ბროშურასთან დაკავშირებით სხვადასხვა განცხადებების გამოქვეყნებას ეხმიანება.
როგორც ფოჩხუამ აღნიშნა, „მაკდონალდსის“ სათაო ოფისმა ხომ არ დაუქნია თითი და დატუქსა?
„ეს კაცი როგორ მართავს ამხელა, მსოფლიოში ფაქტიურად N.1 ბრენდად აღიარებულ ბიზნესს, გაკვირვებას იწვევს. ასეთი აბდაუბდა განცხადებები რაც იმ ავადსახსენებელ ბროშურაზე გაკეთდა, არ გამიგია. ჯერ იყო და ჭყონია იხდის ბოდიშს, მერე მისი ქალიშვილი იმუქრება, რუსულ კვალს ხედავს ხალხის აღშფოთებაში, მერე ჭყონიას ბოდიში უკან მიაქვს, მერე კომპანია განცხადებას ავრცელებს და თარგმანში იკარგება, მერე ეს განცხადება ქრება. რა ხდება, „მაკდონალდსის“ სათაო ოფისმა ხომ არ დაუქნია თითი და დატუქსა?
ახლა მოხდება ის, რომ ბატონი თემური ხელს შეახოცავს კომპანიის დირექტორს, თვითონ კი სუფთა გამოვა, მაგრამ საზოგადოებას რას უზამს, აზრს ხომ ვერ შეაცვლევინებს თავის თავზე? ისედაც ავტორიტეტშელახულ ბატონ თემურს კიდევ უფრო შეელახა ავტორიტეტი. ჭირი იქა-ლხინი აქა, ქატო იქა-ფქვილი აქა“- წერს ნინო ფოჩხუა სოციალურ ქსელში.
| სარეკლამო ადგილი - 11 650 x 60 |
